@salihomer11: تمر بينا ❤ اغنية بقيت "تمر بينا" كلمات أحمد المصطفى حسين كباشي (الفي الصوره دي) وغنوها كتير من الفنانين على رأسهم النور الجيلاني الاغنيه دي زي معظم الاغاني ليها قصة و تفاصيل.. أحمد كان خاطب أم كلثوم إبراهيم سلامة (المعاه في الصورة دي) وكانو في نفس الحي وحصلت بينهم مشاكل وسابو بعض وكان خطبها واحد تاني فكتب ليها الاغنية دي لما كانت بتمر بقدام بيتهم وما بتدخل ليهم زي زمان ولا بتسلم عليه كتب ليها بقيت تمر بينا محال تجي علينا ولا بتقول ديل ناس كانو في ماضينا قول لي بحق الريد ايه النقص فينا ايه اللقيتو جديد ولما انقطعت عنو تماماً وحتى في العيد ما عيدت عليه والجفوة زادت قال: ما كنت نور عيني ما كنت اهاتك ما كنت بتقول لي بهواك بحب زاتك خلاص نسيت الريد خليت تحياتك ولا حتى يوم العيد ولما عرف انها اتخطبت لواحد تاني وبتراسلو وعلاقتهم بقت حلوة قال ليها : لمن تدور تكتب لحبيبك التاني كيف قلبك يسمح ليك تطراهو وتنساني وحياة غلاوة الريد انا مابحب تاني بس انت تبقى سعيد لما اشتد بيهو الالم والحنين وحس انو فقدها للأبد كتب ليها الكان بيعرفنا ماقال بنتفرق لا يوم نعرف الهم لا نبكي نتحرق الله يجازي الريد البدموع غرق امال بدون تحديد وبعد عتاب وشد وجدب أم كلثوم رضيت على أحمد ورجعت ليه تاني واتزوجو واغتربو سوى وعاشو حياة سعيده وليهم اكتر من 30 سنة حالياً ♥️ والصوره دي ما مجرد لقطة عشان دعاية هم فعلاً حلوين مع بعضهم ولسه بينهم نفس النظرة والحب ولسه بيكتب فيها اشعار وكلمات .. الرسالة واضحة طبعاً 😌 اختارو صح عشان لما توصلو للعمر ده تكونو نفس الفي الصورة ديل 😁✌️ #اغاني #الزمن #الجميل #تصميم_فيديوهات🎶🎤🎬 #سودانيز_تيك_توك_مشاهير_السودان #حالات_واتس #الشعب_الصيني_ماله_حل😂😂 #سودان

صالح عمر♡|| SALIHOMER

Open In TikTok:

Region: SA

Friday 27 September 2024 12:33:03 GMT