يا تري بيحصل معاك ايه من وضعيات النوم او اضطرابات النوم اللي شرحناها دي ؟ وايه معني كل وضع ؟ *وضعيه ذراع t rex تقريب الذراع ناحيه الجسم والوجه ..لو دايما ده النمط الثابت لنومك ..ف انت بتحاول تحمي نفسك بشكل لا واعي ..الوضع ده معناه انك داخليا حاسس بعدم أمان وخوف مستمر ..ومرتبط ب جروحك النفسيه المتعلقه بالمشاعر دي اللي لم تتم معالجتها *وضع الذراع الممتده الممسكه بشيئ محاولتك الدائمه للامساك ب مخده او شيئ ف هي محاوله بشكل غير واعي للحصول علي الراحه والأمان ..متعلق بمشاعر الهجر والوحده والخوف ..المخده بتعمل كبديل عن الشعور بعدم الوحده ومحاولات لا واعيه لطمأنه النفس من جروح نفسيه متعلقه بالهجر والتخلي *تغطيه الوجه شبه كاملا هي محاولات في اللاوعي للهروب والاختفاء للشعور بالأمان ..كأن الهروب والاختفاء هو درع الحمايه في اللاوعي ليك من الألم النفسي لصدمات لم يتم التعافي منها ..او خلق محيط أمن بعيدا عن واقع مليئ بالخوف *الكوابيس المفزعه المستمره والقلق والتقلب المستمر المفرط بدون الدخول في نوم عميق معظم الكبت للواقع بكل مخاوفه وعدم التنفيس عنه بيظهر في العقل اللاواعي في نومك ..ارتفاع مستويات الكورتيزول والادرينالين والتنبه المفرط بيساعد علي صعوبه الكوابيس وللاسف ممكن تزود فرصه الاصابه ب نوبات من الهلع او الصراخ اثناء النوم بدون ما تتذكر ما حدث لك صباحا *الشلل النومي او sleeping paralysis لما عينك بتفتح لكن جسمك مش بيكون قادر علي الحركه او صوتك مش قادر يطلع ..شعور صعب ومؤلم ومخيف ومتعلق في احيان كتير بصدمات نفسيه لم يتم التعافي منها خاصه لما بتحس انك محبوس او كأنك مش قادر تتنفس بسهوله كتير مننا بيقدر يتعايش مع الانماط دي بدون الحاجه ل اللجوء للتعافي مع طبيب مختص ..ولكن لو في نمط مؤذي ومأثر عليك وعلي يومك محتاج يكون عندك وعي جسمك بيعبر عن الصدمات النفسيه وبيحاول يتكيف معاها ازاي وعيك ب اللي جسمك ونفسيتك بتعدي بيه بيساعدك انك لو بتعاني من صدمات نفسيه قديمه تسعي للتعافي منها علشان يومك يكون افضل وكمان جوده نومك ..لان الضغط النفسي الغير معالج بيظهر مع الوقت علي شكل اضطرابات في النوم واضطراب القلق والتوتر المعمم محتاج تتأكد ان النوم الهادئ اللي جودته عاليه هو راحه لعقلك وجسمك ونفسك علشان تقدر تقضي يومك بشكل افضل .. دكتوره ماجي الشافعي اخصائي الطب النفسي وعلاج الادمان للحجز والاستفسار عن الجلسات ابعتولنا في الرسايل #العلاج_النفسي #اضطرابات_النوم - @drmaggieelshafei