@oussema_benneji: 104 🇦🇹كل عام و إنت الحب النادي الإفريقي بالنسبة ليا هو أكثر من فريق، هو حب كبر معايا، جرى في عروقي وولّى جزء من روحي. من 4 أكتوبر 1920، هالتاريخ اللي بدى فيه الحلم، النادي الإفريقي ما كانش مجرد جمعية، هو عائلة كبيرة تجمعنا على نفس العيشة، على نفس الحب. كل لحظة عشتها مع الإفريقي هي قصة حب تتجدّد، كيف تربح نحس الدنيا تضحكلي و قلبي فرحان، وكيف تخسر نحس نحبها أكثر ونزيد نتعلّق بيها. ما نجمش نوصف الفرحة كيف ندخل للستاد ونشوف الألوان الحمراء والبيضاء، نسمع عيطة الجمهور اللي تردّ الروح، نحس روحي في دارنا بين خوتي. الإفريقي هو نبض القلب، هو الحلم اللي نحلم فيه كل يوم، هو التاريخ، الحاضر، والمستقبل. ما فماش حبّ في الدنيا يشبه لحبّي للنادي الإفريقي. كل عام وأنت العشق اللي يكبر فيّا . . . #النادي_الإفريقي_تعيش❤🇦🇹 #النادي_الإفريقي #anniversary #104years #04octobre

Ⓞⓤⓢⓢⓔⓜⓐ✍️🇹🇳

Open In TikTok:

Region: TN

Thursday 03 October 2024 22:30:08 GMT