@bashir.abugmail: مساء الخير حُبًا. ❤️ أصعب شعور ممكن الواحد يتعرض ليهو الهوان، إنو أهون على الناس أو الشخص الأنا ختيتو في كفة براهو، اعتبرتو هو ولا كل الناس، ضحكتو ولا زعل الدنيا كلها، الشخص الأنا كنت كل ما أشوفو عيوني بلمعوا وقلبي بقرب يطلع من محلو بس لأنو واقف قدامي... الشخص الكنت بحكي عنو إنو ربنا عوضني بيهو، وإني أخيراً قادر أكمل بدون يجي يوم وأبكي فيهو، تجي لحظة وأرجع أخاف زي زمان، أفضل واثق إني خلاص باب السعادة اتفتح في وشي، ودروب الكسرة ما حأرجع ليها طالما الناس ولا الشخص دا معاي... اتباهى واتباهى سوا كان قدام نفسي أو قدام الناس، إنو فلان هو السلام لقلبي، فلان صاحبي المفضل، فلان هو عوض ربنا وتاني ما حنسيب بعض، فجأة كل السبل تتقطع، تبقى كل الوعود زيف، يسيبك وترجع تاني براك بس المرة دي بقيت فاضي من الثقة، فاضي من الحب، فاضي من الحياة، فاضي من الأمان للعلاقات، ترجع تدق الأرض، وتندم بس الندم بيفيد؟ عمرو الندم ما بفيد، كل علاقة أنت اندفعت فيها حترجع لي وراء، التريث في العلاقات مهم، وكونك لقيت زول شبهك أول ما اتباهيت قدام خلق الله أقنع ااي أقنع، لأنو إلا من رحم ربي الحيحبوا ليك الفرح العايشوا دا... كوني أديك مشاعر حقيقة وأفضل معاك دائماً ذنبي شنو إنك تمشي؟ طيب لما إعتبرتك أخ عزيز وميزتك عن الناس وكلمتك إني انخذلت كتير ذنبي شنو أطمن معاك وتخوفني من جديد؟ إني أهون على آخر شخص زرعت في قلبي بذرة ثقة علشانو، إني أدي قلبي فرصة إحب وإصدق إنو في ناس بتخاف عليهو وعايزاهو، الخذلان دا أكبر جُرم ممكن يرتكبوا إنسان بحق إنسان غيرو... ف لو ما قدر الكلام ما تقطع وعود قد يبني إنسان أحلامو عليها. لو ما قادر تكون قريب للنهاية ف الأحسن تكون بعيد من الأول وما تقرب خطوة. في ناس كتير عاشت أيام قاسية وهي بتعاني من وجع الحاجة دي، تساؤلات كتيرة بتدور في رأسهم لما يمشوا الناس البحبوهم دون سابق إنذار هو أنا هُنت يعني؟ معقولة ما كنت كفاية علشان نستمر؟ معقولة كنت سييء للدرجة دي؟ هو أنا أستاهل كل البعزهم يكسروني؟ خِتاماً: "لو ما قدر الوعود ما تقطعها"🩵

بشير ابوجمال(جبر الخواطر)

Open In TikTok:

Region: SD

Wednesday 23 October 2024 06:47:22 GMT