@bashir.abugmail: #ﺧﻠﻴﻚ_ﻣﻌﺎﻱ_ﻭﺃﻧﺎ_ﺑﺒﻘﻰ_ﻟﻸﺯﻣﺎﺕ_ﻛﻔﻴﻞ_ﺃﻧﺎ_ﺑﻮﺟﻮﺩﻙ_ﺑﻨﺘﺼﺮ_ﻻﺑﻨﻬﺰﻡ_ﻻﻳﻮﻡ ﺑﻤﻴﻞ ...❤️..!! بتحكي : وانا داخلة غرفت العمليات قلت لأبوي ..أعفي لي عشان لو حصلت لي حاجة اكون مرتاحة ..بكى وقال لي لو ما جيتي طالعة ما عافي ليك..♡ قال: الحاجة الكويسة ..ابوي كان بتعامل معانا بمبدأ ولدك لو بقى قدرك خاويهو ..بتذكر مرة كنت مسافر وجيت لقيت أبوي مستنيني في المطار أول ما شافني قام دمع قلت ليهو يا زول شد حيلك 😂..قال لي ياهو انتو حيلي الفضل..♡ قالت كنت عايزة ابوي يوافق لي على حاجة فقلت ليهو لو وافقت ح ترتاح من نقتي الكتيرة ولصيقي فيك اليوم كلو قال لي وانا أصلا ما عايز اوافق عشان ما توقفي نقة..وانا كدا مبسوط جداً ودي اجمل حاجة اتقالت لي في حياتي كلها والله ♡ قالت: ابوي كان مغترب ليهو خمسة سنين بعيد مننا..يوم جا ما كلم زول يعني عملها لينا مفاجئة وانا كنت نايمة ..صحيت من النوم لقيت أبوي حاضني ونايم..امي قالت لي بعد سلم للناس جا لقاك نايمة رفض يصحيك فرقد جمبك وما زحا منك لمن هو زاتو نام ♡ قالت: كنت ما بعرف اطبخ نهائي..لاكين بحاول مرات اعمل الأكلة محروقة أو ما مستوية أو ملحها كتير يعنى كنت سيئة شديد في الطبيخ ..كل ما اعمل الاكل كلهم يقومو من الصينية إلا ابوي يقول لي مشاء الله أكلك حلو بتي طباخة والله..عادي ممكن يكمل الاكل كلو ..بالرغم من اني عارفة طبخي كعب بس كان بجبر بخاطري عشان احاول مرة واتنين وتلاتة .. وانا كنت بكون مبسوطه بالحاجة دي ..لحدي ما اتعلمت الطبخ عشانو ♡ قالت: ابوي كان من النوع الما بحب يبين حبو ولا بعرف يشرحو ..بس بنحس بيهو من طريقة تعاملو معانا بتذكر كان مضغوط شديد في الشغل بس يوم مناقشتي م مشى الشغل وجا فاجئني في الجامعة وكان مبسوط جداً.. صحي والله سند البنيات ابوهن ♡ قالت: يوم عرسي ابوي جا قال لي كلام مستحيل انساهو ..قال لي خلاص كبرتي وبقيتي عروس وهسي ماشة بيت راجلك.. والله حأفقدك واشتاق ليك ..لاكين ختي في بالك زي ما داك بيتك بيت ابوك هنا قاااعد وفاتح ليك ..انا عارف راجلك ما بقصر منك لاكين اتذكري ابوك وسندك لسة حي ما ت وانا عاافي ليكي دنيا وآخرة وربنا يسعدك ويهنيك يا بتي♡ الأب بحب بس حبه من نوع تاني غير حب الأم خالص ..الأب حبه مدسي في تصرفاتو وتفكيرو وخوفو ..حنية الأب ما بتتعوض ابقو عشرة على ابائكم ..ماف زول بسندك زي ابوك ..♡ #وعند_المُفترق معاك لما الخطاوي تموت و حيل صبر الفرح يفتر معاك لما الطريق ينهد حنبني من الأمان معبر..❤️
