السر اللى بيخليها مميزة هو طعم الشوربة عشان كده بستخدم موزة بقرى وبخلى الجزار يقطعهالى شرايح بالعظم بتاعها عشان النخاع اللى جوا العضم هو اللى بيخلى طعم الشوربة غنى أوى المكونات: * معلقة كبيرة سمنة بلدى * كيلو لحمة موزة مع العضم (مسورة ) * بصلة * ورق لورا ، نجمة الينسون ، حبهان ،فلفل أسود وكزبرة وكمون حب هنشوحها كويس بعدين نضيف * لتر وكوب ماء عشان هنستخدم الشوربة لكل الأكلة مش بضيف طماطم للشوربة عشان هتغطى على طعم النخاع أول متغلى هنهدى النار ونسيبها ساعة لحد لما تستوى تماما بعدين نضيف الملح * معلقة صغيرة سمنة بلدى * ٣ اكواب رز مصرى مغسول * رشة ملح خفيفه عشان الشوربة مملحة هنقلب الرز كويس لحد لنا يتغلف كله بالسمنه * بعدين نضيف ٣ أكواب من شوربة اللحمة بغطى عليها واول لما تبدأ تغلى بنهدى النار ونسيبها نص ساعة الرز بيطلع مفلفل وحلو اوى بس أهم حاجه متفتحوش الغطاء غير بعد النص ساعة صلصة الفتة : * ٤ حبات طماطم متقطعة * معلقة كبيرة صلصة طماطم * معلقة صغيرة كمون مطحون * كوب ونص من شوربة اللحمة وهى سخنه بتفرق جدا عشان الخلاط بيفرم الطماطم كويس اوى والسخنيه بتخليها تنزل كل السوائل * معلقة كبيرة سمنه بلدي أو زيت * ٣ فصوص ثوم مفرومين نقلبهم كويس لحد لما ياخدوا لون دهبى بعدين نضيف * نص ملعقة صغيرة كزبرة مطحونه نقلبهم كويس وننزل عليهم * ربع كوب خل أبيض * صلصة الطماطم بعد لما نصفيها * معلقة كبيرة سكر * ربع ملعقة صغيرة فلفل أسود * نص ملعقة صغيرة ملح ونسيبهم ع نار هاديه لحد لما تتسبك وتوصل للقوام اللى فى الفيديو * خبز بلدى مصرى عشان بيكون سميك شويه عن الخبز العربى وبيبقى طعمه أحلى بكتير فى مقلايه هنضيف * معلقتين كبار زيت زيتون * معلقة صغيرة سمنه بلدى * فصين ثوم مفرومين * نص معلقة صغيرة كزبرة مطحونه بنقلبهم حاجه بسيطه عشان الثوم يطلع ريحة بس متخلهوش يبقى دهبى عشان هيتحرق لما يدخل الفرن ويعمل طعم مر تقليبه سريعة بس هنضيف الخليط ده على الخبز ونقلبوا كويس وندخله فرن مسخن مسبقا درجة حرارة ٢٠٠ لمدة ١٥ دقيقة ونبص عليه ونقلبه عشان يبقى كله نفس اللون أنا بفضل الاير فراير درجة حرارة ١٦٠ لمدة من ٧ - ١٠ دقايق وبس كده أكلتنا جاهزه فى طبق التقديم بنحط الخبز الأول من غير منسقيه عشان ميبوظش نقلب الرز مع شوية شوربة بعدين على الوش الصلصة انا حمرت شوية ثوم للتزين بعدين فى نفس المقلاية حمرت اللحمه على خفيف الشوربة بنقدمها بجانب الطبق هى والصلصة عشان اللى بياكل يضيف المرقة على الخبز ويزود صلصة لو حابب #freekhebaelmeligi #فتة #فتة_اللحم #فتة_اللحمة #فتة_العيد - @hfreek2022