🌏နယ်မြို့လေးရဲ့ တောစွန်စွန် တဲနံဘေးလေးကနေ သူရှိတဲ့မြို့ပြဆီ ခိုးငေးဖူးတယ် ။ 🌏လွမ်းတယ်လို့ တိုက်ရိုက်မပြောရဲတော့ နေကောင်းတယ်နော်လို့ အစချီရတယ် ဆိုညည်းမိတဲ့ သီချင်းလေးတွေက သူ့အပေါ် သက်ရောက်မှု မရှိခဲ့ဘူးထင်ပါတယ် ။ 🌏နေရာဟောင်းလေးရောက်ပြန်တော့ သူ့စကားသံလေးတွေကို ကြားမိပြန်တယ် ဖုန်းမလာ စာမရေး လူချင်းဝေးတာဖြင့် ကြာလှပြီ ။ 🌏ကျွန်တော့်ဆီ သူ ဖုန်းဆက်လာပါသေးတယ် ကျွန်တော်မကိုင်ဖြစ်ဘူး တစ်ယောက်တည်း နေသားကျခါနီးပြီဆို သူ ကျွန်တော့်ဆီ ပြန်ရောက်လာတတ်တယ် ။ 🌏နယ်မြို့လေးရဲ့ ဒီလရောင်လေးက လှတယ် ကျွန်တော်က ကွင်းပြင်တစ်ခုကနေ ငေးကြည့်နေတယ် သူရှိရာမြို့ပြကနေရော ဒီကြယ်လေးတွေကို မြင်ရပါ့မလား ။ 🌏ကြယ်တစ်ထောင်ရေတွက်နိုင်ရင် ဆုတောင်းတစ်ခုပြည့်တယ်တဲ့ ကျွန်တော်က သူနဲ့အတူ ဒီကြယ်လေးတွေကို ရေတွက်ဖို့ ကြိုးစားခဲ့ဖူးတယ် ဒီပုံပြင်တော့ သူသိချင်မှ သိမယ် ။ 🌏ပတ်ဝန်းကျင်မှာ ပုရစ်သံလေးတွေက ညံလို့ လေညင်း‌ကလည်း ခန္ဓာရဲ့အတွင်းအထိ စိမ့်အောင်ခတ်တယ် ကျွန်တော်က ကွင်းပြင်မှာတစ်ယောက်တည်း.....။ 🌏ဒီအချိန်သူရော မြို့ပြရဲ့ အခန်းတစ်နေရာကနေ ဒီလရောင်ကို ငေးနေမလား ရည်းစားဦးဆိုတဲ့ တစ်ယောက်ယောက်ကိုများ လွမ်းဆွတ်နေမလား 🌏စာအုပ်ဟောင်းလေးပြန်ကြည့်မိတော့ ရက်စွဲလေးရော သူ့နာမည်လေးရောတွေ့တယ် ကျန်းမာရေးဂရုစိုက်ဖို့ မှာထားတာတွေ့တယ် သူက ကျန်းမာသလိုလိုနဲ့ ဖြစ်လိုက်ပြီဆိုရင်လဲ အသည်းအသန်မို့ သူနေမကောင်းမှာ စိတ်ပူတယ် 🌏သူ့အပြင် သူ့ရဲ့စိတ်ကလေးပါကျန်းမာစေဖို့ကျွန်တော်က ဆုတောင်းပေးပါတယ် 🌏အမှန်အတိုင်း ပြောရရင် အခု သူ့ကို သတိရနေတာပေါ့ ဒီနေ့ ရာသီဥတုကလည်း သာယာတယ်လေ ဒါဆို ကျွန်တော်သူ့ကို စကားစပြောဖို့သင့်ပါရဲ့လား ??? #lynn_yone #bagan #foryou #baganlover - @baganlover3