“Laçın batalyonunun marşı” 1992-ci ilin yanvar ayında əlimə “Türk əsgərinin not kitabı” adlı bir kitabça düşmüşdü, mən kitabçada “Alay marşı” adlı bir marş tapdım.Axşam saat 12-ə kimi bu marşın sözlərinə bir nəzirə birdə həmin sözlərə uyğun marş yazdım.Səhərisi gün isə Laçın şəhər musiqi məktəbinin direktor müavini olan Vəli Hüseynova verib bu sözlərə mahnı bəstələməsini xahiş etdim.1992-ci ilin yanvarın 22-23 olardı Vəli müəllim bu marşı bəstələyib bizə verdi və həmin vaxtdan sonra Laçın alayının əsgərləri “Sıravi Əhməd” və “Alay marşı” yazılarından ibarət “Laçın batalyonunun marşı” adı verdiyimiz bu marşı Vəli Hüseynovun bəstəsində oxuyurdular. İndiki “Əsgər marşı”nın yaranmasına gəlincə isə 1992-ci ilin fevral ayında Azərbaycanın bir qrup tanınmış sənətkarları Canəli Əkbərov, Afaq Bəşirqızı, Cavanşir Quliyev ve başqa incəsənət ustaları Laçın alayına baş çəkməyə gəlmişdilər.Əsgərlər üçün-əsgər yəməkxanasında təşkil edilmiş proqramda alayın əsgərləri bu marşı məhz Vəli müəllimin bəstəsində oxudular. Marşın sözləri bəstəkar Cavanşir Quliyevin xoşuna gəlmişdi.Rota komandiri Əhliyyət Süleymanov həmin marşın sözlərini yazaraq tanınmış bəstəkar Cavanşir Quliyevə vermişdi Polkovnik Arif Paşayev Azərbaycanın könüllülərdən ibarət ilk nizami hərbi hissəsinin qurucusu (Laçın 811 saylı H/H ) "Əsgər marşı" necə yarandı? 1992 ci ilin fevralın axırları olardı 811-ci Laçın batalyonuna başda görkəmli aktyorumuz Afaq Bəşirqızı ilə görkəmli bəstəkarımız Cavanşir Quliyev bizə bayram payı gətirmişdilər,qalın qar yağmışdı.Mən də həmin gün batalyon üzrə növbətçi idim. Bunların kollektivini qarşılayıb qəbul etdik.Mən Cavanşir müəllimə yaxınlaşıb dedim ki, bizdə vətənpərvərlik ruhunda yazılmış bir şeir var, hamı onu əzbər bilir onu verim sizə marş üslubunda musiqi bəstələyin. Dedi ki, onu yaz ver mənə bəlkə bir şey alındı. Yazıb gətirib verdim, altından adımı familyamı Laçın və tarixi yazdım ki, sonra bilinsin ki, bu yazı ona harada verilib.Bu görüşdən sonra indiki məşhur “Əsgər marşı” Cavanşir Quliyevin bəstəsində oxunmağa başladı Əhliyyət Süleymanov Laçın Alayında rota komandiri - @nicatnagdali