@shefooo_620: وحدة من اعظم اغنيات التراث الغرابي الكردفاني اتغنى بيها كتير من الفنانين بتحكي قصة عشق مجنون《 جِديّة أم قَنَفة》،بتبدأ ب ... جدية ام قنفة العيونها كحيلة ،هِلك عشاقها وفاتو خلو قبيلة. بيوصف البت بأنها جدية ام قنفة والقنفة هي الشعر الطويل المضفر ، والجدية هي الغزالة من شدة سماحتها حتى عشاقها برحلو معاها من مكان لمكان بس عشان يشوفوها . استرسل زيادة في وصف ملامحها وقال .. جدية امقنفة ام حويجباً داير،اسمر لونو والخديد الناير،يوم ماروح وخلا مقايل،ابكي عليهو انا دمعي السايل" وصف حاجبها بالحاجب الداير وهنا بيقصد الحاجب المليان ومقرون ،وبيحكي عن حالتو لما بعدت عنو الدموع ماوقفت من عيونو.. شيخ القبة انا جيتك زاير،ثبت قلبي من محلو الطاير لي ليالي من دليلي الحاير،اكلي هموم كمان شرابي سجاير،الزول خاصمني قفل الموبايل المسكول خليهو مابتخشو رسايل" مضى زمن طويل وانقطعت اخبارها لدرجة انو حسى بالهم والغم وقرر يمشي لشيخ يشكي ليهو همو ويشرح الحالة الهو فيها من فراقها .. "جدية امقنفة ياست الريدة انتي م بتتخلي ،واقنص ليك بالسلاح العندي" قرر انو لو ما أخذها بالحسنى مستعد يضرب سلاح عشان يوصل ليها .. "جدية امقنفة الفي خلاها متدني،طول الليل ابكي واغني،صدقني خايف ياحبيبي لأني امشي ازورك والعيون تشغلني قبال ما اسلم فرحة بس تكتلني" حالتو بقت مزرية لدرجة بيتخيل انو مشا ليها ولاقاها وبس ادتو نظرة خلتو يموت بعدها ! ختم الاغنية ب... "جدية امقنفة عسل نحل من خليتو معلب،لاتفاح لامنقة لاقريد لامحلب،اهلو محرسنو مراقب،سلك شائك برا سورها مزرب" وصفها بالعسل البيجي من الخلية مباشرة دون اضافات وحتفضل ليهو زي الحلم المستحيل يوصلو لانو اهلها محرسين عليها لكن هل ياترى جدية امقنفة بتبادلو نفس الشعور؟ #اكسبلورexplore #fypシ #yourpage #you #الجيش_السوداني #sudanese_tiktokمشاهير #سودانيز_تيك_توك_مشاهير_السودان #السودان #اكسبلور #الدعم #fyp #اكسبلور_explore #سودانيز_تيك_توك #مشاهير_تيك_توك_مشاهير_العرب #1 #مشاهير_السودان #المدينه #الشعب_الصيني_ماله_حل😂😂 #السودان #اكسبلور_explore

𝐌𝐎𝐇𝐀𝐌𝐌𝐄𝐃 ッ 🎸

Open In TikTok:

Region: SD

Wednesday 13 November 2024 19:52:59 GMT