خليكي حقيقية و علي حقيتك بس ما تغير من نفسك عشان تناسب زول معين... و ما تقلل من شخصيتك عشان تواكب بيئة معينة... لو لقيت نفسك مجبور تتنازل مثلا عن حاجة إنت بتحبها، عشان خاطر بقى مع زول معين.. أو لقيت نفسك مقيد بعادات وتقاليد بتقيد من حريتك... في الحالتين إنت في الوجهة الغلط... التصنع في بعض الأحيان بختصر ليك المسافة و بوصلك القمة سريع و بنفس السرعة بجيب آخرك.. شخصيتك الحقيقية هي بهيأتك الخلقك بيها ربنا، والقبول من الله ... كل الحكاية إنو شخصيتك بتلائم زول معين إنت لسة ما لاقيتو... و إنت بتناسب مكان معين مصيرك توصلو و تكون فيهو... التصنع أي زول بلاحظو، كلنا من زوايا تانية لما نشوف زول بتصنع أو بقلد قالب معين أو بتباهي بنشوفو من باب إنو زول ضعيف شخصية، و ما قادر يتقبل نفسو فقر يقلد... ما تتصنع. عايز تقلد قلد نفسك... عايز تتحدى إتحدى نفسك عشان تعرف كنت وين و وصلت و ن. و خليك نرجسي في حق نفسك و إنت ما ناقص عشان يجي زول يكملك.. إنت ما محتاج تتصنع عشان تبقى مبهر.. خليك حقيقي و على حقيقتك بس - @esamhassn