អសេវនា ច ពាលានំ ឯតម្មង្គលមុត្តមំ(កិរិយាមិនសេពគប់នូវបុគ្គលពាលទាំងឡាយ ជាមង្គលដ៏ឧត្តម) ការសេពគប់នូវបុគ្គលពាលរមែងនាំមកនូវសេចក្ដីទុក្ខ ប៉ុន្តែបុគ្គលពាលទាំងឡាយពុំមែនជាទីសំអប់នៃអាត្មា បណ្ឌិតានញ្ខ សេវនា ឯតម្មង្គលមុត្តមំ(កិរិយាសេពគប់នូវបុគ្គលជាបណ្ឌិតទាំងឡាយជាមង្គលដ៏ឧត្តម) ការសេពគប់បណ្ឌិតរមែងនាំមកនូវសេចក្ដីសុខ បណ្ឌិតទាំងឡាយពុំមែនជាទីស្រឡាញ់នៃអាត្មា ប៉ុន្តៃជាទីជ្រះថ្លានៃអាត្មា បូជា ច បូជនិយានំ ឯតម្មង្គលមុត្តមំ(កិរិយាបូជាដល់បុគ្គលដែលគួរបូជាទាំងឡាយ ជាមង្គលដ៏ឧត្តម) ការបូជាដល់បុគ្គលដែលគួរបូជា ព្រោះមានសេចក្ដីជ្រះថ្លាជាហេតុបច្ច័យ សេចក្ដីជ្រះថ្លាកើតមាន ព្រោះឃើញភាវជាបុគ្គលមានសេចក្ដីព្យាយាមផង ជាអ្នកចេះដឹងក្នុងបរិយត្តិផង ជាអ្នកសង្រួមក្នុងសិក្ខាបទផង តែពុំមែនបូជាព្រោះសេចក្ដីស្រឡាញ់ពេញចិត្តចំពោះបុគ្គល ឬព្រោះគិតថាបូជាបានផលច្រើន(បើគិតថាបូជាបានផលច្រើន គឺមានតណ្ហាជាហេតុបច្ច័យ)។ ម៉្យាងទៀតទានទាំងឡាយដែលបានបំពេញ ព្រោះភាវជាបុគ្គលមាននូវសទ្ធា និងព្រហ្មវិហារធម៌ត្រេកអរក្នុងកុសលទាំងឡាយ សីលទាំងឡាយដែលបានសមាទាន ព្រោះភាវជាបុគ្គលមានហិរិឱត្តប្បមិនត្រេកអរក្នុងកម្មជាអកុសលទាំងឡាយ ការសិក្សារធម៌ចម្រើនភាវនា ព្រោះឃើញចិត្តដែលបានអប់រំហើយដោយសមថវិបស្សនារមែងតាំងនៅសុខស្ងប់ និងមានសតិប្បដ្ឋានជាទីពឹង។ សព្វបាបស្ស អករណំ ការមិនធ្វើអំពើបាបទាំងពួង កុសលស្សូបសម្បទា ការបំពេញកុសលឲ្យបរិបូណ៌ សចិត្តបរិយោទបនំ ឯតំ ពុទ្ធាន សាសនំ ការញ៉ាំងចិត្តរបស់ខ្លួនឲ្យផូរផង់នេះជាពាក្យប្រដៅរបស់ព្រះពុទ្ធទាំងឡាយ🙏🙏🙏៕ - @user5261206580478