@abdelhadyelsakka: Assal Eswed Vertical فيلم "عسل إسود" بيحكي عن مصري اللى عاش طول عمره في أمريكا، بعيد عن بلده وأهلها. راجع مصر مش بس عشان يزورها، لكن عشان يدور على هويته، على ذكرياته القديمة مع أهله وصحابه، اللي فاكرها مليانة دفا وحب. لكن لما رجع، اتصدم بالواقع: إن الحياة بقت أصعب، الظروف الاقتصادية مأثرة على كل حاجة، والعيشة في مصر مش زي ما كان متخيل. الفيلم بيعكس حاجات كتير بتحصل حوالينا دلوقتي و بيخلينى أسأل نفسي يعني إيه وطن ويعنى إيه مصر ؟ هل علاقتنا ببلدنا المفروض تتأثر لو حالتها وحشة؟ ولا هى مجرد مكان بنعيش فيه؟ ولا مصر هي أهلك وعيلتك وصحابك. هي ذكريات طفولتك وقعدتك على القهوة مع صحابك، هي ناس طيبة عايشة في كل ركن في البلد ديه، ناس بتساعدك وتاخد بإيدك حتى لو ظروفهم أصعب من ظروفك. مصر بالنسبالي هى الأب والأم اللي بيضحوا عشان ولادهم يعيشوا كويس ويبقوا أحسن منهم. فيها حنان ودفا مش موجودين في أي مكان تاني في العالم. وزي ما قال الفنان يوسف داود: "ممكن أمريكا تكون أحسن مننا في حاجات كتير، بس إحنا عندنا حاجات صعب جدًا يوصلوا ليها." وكأن مصر فيها سحر غريب بيخليك تتمسك بيها أكتر، حتى لو الحياة بقت صعبة. مصر بالنسبالي هي الهوية و الأمان والذكريات والحب اللي ملوش شروط، وهفضل أحبها وهربى ولادى على حبها. #BlackHoney #EgyptianCinema #LoveForEgypt #Homecoming #Nostalgia #NationalIdentity #WarmthOfHome #EgyptianCulture #VerticalCinema #VerticalMovie #VerticalStorytelling #InstagramReels #CinematicReels #EgyptianStories #HomeIsWhereTheHeartIs #Filmmaking #VerticalFormat #CinematicArt #StoriesOfEgypt

AbdelhadyElsakka

Open In TikTok:

Region: EG

Monday 25 November 2024 12:37:56 GMT