@taboo0669: انا ي ريله واا لومي 😭💔 قصة الاغنية دي : انو في حجر العسل في منطقة اسمها ورقي وحدة اسمها فاطمة على قدر بسيط من الجمال او زي ما بتسمي نفسها انها شينة 💔 حبت واحد هو قريبها ولد عمها ، و هي عشان شينة كان كل العرسان البشوفوها برفضوها و دخلت في فترة نفسيات فظيعة لانو كل البنات القدرها خطبوهم و عرسوهم و هي لا في حين انها لسة صغيرة في العمر بالصدفة يوم شافها حمزة ولد عمها دة في مناسبة و بي طريقة كدة قدرو يتواصلو مع بعض ايوة نعم برضو شافها ما حلوة لكن اتعرف عليها و لقاها طيبة شديد و محترمة شديد و روحها حلوة و حباها و حبتو حبو بعض شديييد شديد لي درجة الجنون و حمزة دة كان وجيه و بنات الحلة كلهم مكسرات فيهو قامت في وحدة اسمها نعمة بتعرف اهل حمزة و مصاحباهم اخواتو و امو و كدة و في نفس الوقت بتبقى لي فاطمة بت عمتها و لمن عرفت قصة حب فاطمة و حمزة الغيرة مسكتها و قلبها بقى اسود على فاطمة كيف يعني فاطمة الشينة دي تعرس حمزة السمح دة طواالي نعمة دي مشت لي ام حمزة و قالت ليها حمزة عايز ليهو بت و هي قريبتي و سمعتها ما كويسة و للان ما اتزوجت زي البنات عشان هي سمعتها كعبة 💔 حرفت كلام على البت و قامت ام حمزة جوطت و كوركت و بقت تقول لي حمزة لو عرستها ما عافية ليك و ما بتدخل بيتي دة تاني ولاااام لازم تعرس نعمة دي بس بتجينا و بنعرفها و جميلة المهم امو رفضت العرس تمااااما و قالت ليهو لا ما بتعرسها نهائي فاطمة دي و هنا فاطمة قالت : ((انا كل الناس اللاقتني انا في طريقي لامتني و حتى بت خالتك النعمة انا بي ورقي زاعتني ، ناس قالولها خليها مجنونة دايرة يطبلوها )) حمزة ركب راس قال كمان لا الا فاطمة بس ما عايز غيرها و كان دايما بيحن عليها فاطمة دي عندها صحبتها اسمها ريلة اللي هي بتشكي ليها في الغنية و بتقول ليها انا يا ريلة وا لومي ريلة دي عرفت بالقصة و جات كلمت فاطمة انو نعمة فعلت كذا و كذا و كذا يلا فاطمة دي اتجننت و بقت تكورك لمن ربطوها بي الحبال و الجنازير لمن حمزة عرف انو فاطمة مربطة و حالتها استعصت طوالي قال عايز يسافر الخرطوم و فعلا حجز بالبص و تاني يوم من الصباح سافر قامت ريلة جات جارية لي فاطمة و قالت ليها الحقي يا فاطمة حمزة مسافر و قامت فاطمة فكت الحبال و الجنازير و مشت فعلا لقتو ركب الحافلة و مشى و هي شافتو و بكت لمن اغمى عليها و بعدين ودوها البيت بقت تجيب كلام برة راسها طوالي سفروها الخرطوم وودهو مستشفى التجاني الماحي وفعلا جنت و كانت بتغني الغنية دي الفتها و لحنتها و كانت الممرضة كل يوم بالليل بتسمعها لمن يوم سجلتها و نشرتها و حمزة بهناك دخل الجيش و لمن سمع الغنية دي و عرف انو دي فاطمة ادى نفسو طلقة و مات و هي برضو ماتت عليهم الرحمة و المغفرة 💔#ربنا #على_عتبة_النهاية #مشاهير_تيك_توك_السودان_سودانيز💛👑🇸🇩 #الترند_الجديد #مشاهير_تيك_توك_السودان #الشعب_الصيني_ماله_حل😂😂
