@youandayah: كمية ذكريات في قطمة من الشاورما دي انتو مش فاهمين🥹 كنا بنسافر اليونان كتيير و احنا صغيرين و تقريبا ماكوناش بناكل حاجة غير الشاورما هناك من حلاوتها🤤 شاورما يوناني (جيروز) المكونات - ١ كج صدور دجاج, شرايح رفيعة - ١ كج افخاد دجاج، شرايح رفيعة - ١/٤ كوب زيت زيتون - ١/٤ كوب مياه بصل - ١/٤ كوب عصير ليمون - ١/٤ كوب خل عنب احمر/خل تفاح - بشر ١ ليمون - ٥ فص ثوم، مفروم - ٢ م ص ملح - ١/٢ م ص فلفل اسود - ١ م ك اوريجانو - ١ م ص كمون - ١ م ص بابريكا صوص التزازيكي - ١ ١/٢ كوب زبادي يوناني - ١ خيار كبير، مبشور و معصور منه المياه - ١ فص ثوم مفروم - ١ م ك عصير ليمون - ١ م ك شبت مفروم - رشة ملح عيش البيتا - ٥٠٠جم دقيق - ١/٢ م ص ملح - ١ م ص خميرة - ١ م ك سكر - ١ - ١ ١/٤ كوب مياه دافية - ٣ م ك زيت زيتون الطريقة 1. نخلط كل مكونات التتبيلة كويس و ننزل شرايح الدجاج و نخلطهم كويس مع بعض و نحط معاهم قشر الليمون و نبيتهم في التتبيله ليلة كامله في التلاجة. 2. لصوص التزازيكي نبشر الخيار و نعصرها كويس عشان تنزل كل السوايل و نضيف الخيار المبشور على الزبادي مع باقى المكونات و نخلطهم كويس و نخليها في الثلاجة. 3. للعيش نخلط الدقيق و الملح الاول و عليهم الخميرة و السكر و ننزل عليهم بالمياه الدافية بالتدريج لحد ما تتشكل معانا عجينة و نعجن ٣-٤ دقايق تتكاسك شوية و نضيف الزيت و نعجن ٧-١٠ دقايق لحد ما العجينة تكون طرية و مش بتلزق اوي. و طبعا لو عندكم عجانة استعملوها اسهل. نغطيها و نخليها تتخمر في مكان دافي ساعة ل ساعة و نص لحد ما يتضاعف حجمها. نفرغ الهوا منها و نقسمها ٨-١٠ كور حسب حجم العيش الي تحبوه و نغطيهم يرتاحو ١٥ دقيقة بعدين نفردهم بالنشابة و نساويهم على طاسة سخنة جدا على نار متوسطة و اول ما تتشمع من تحت و تاخد لون و تبتدي تتنفخ نقلبها الجهة التانية تاخد لون و نطلعها في فوطة نظيفة و نغطيها لحد ما نخلص الكمية كلها. 4. في طاسة سخنة على نار عاليه ننزل زيت زيتون و الشاورما و نساويها ٦-٨ دقايق تستوي تماما و تاخد لون حلو. 5. للساندويش نجيب العيش الي عملناه و عليه صوص التزازيكي و الشاورما و بصل و طماطم و خيار و بطاطس مقليه و نقفلها من تحت و نلفها بورق زبدة لسهوله الاكل و الف هنا♥️. #shawarma #shawarmalovers #streetfood #شاورما #chicken #chickenshawarma #greek #gyros #gyro #fyp #foryou #foryoupage #explore #explorepage #الشعب_الصيني_ماله_حل😂😂

Ayah Shedeed

Open In TikTok:

Region: EG

Thursday 28 November 2024 13:25:55 GMT

281428

19763

178

2167

Music

Download

No Watermark .mp4 (11.43MB) No Watermark(HD) .mp4 (139.82MB) Watermark .mp4 (0MB) Music .mp3

Comments

Mousa.EnG :

yumm🥰

2024-12-26 05:04:28

ياسين :

ايام الزمن الجميل في اليونان

2024-11-28 18:02:42

2239

ابو شيماء ابراهيم البطروخي :

احلى اجازه كانت في حواري اثينا

2024-11-28 18:30:18

2157

مَحْمُودْ :

أحلي إجازة والله كنت بلعب مع كريتوس

2024-11-28 20:10:44

1467

SeifBadawy :

بابا كان ديما بينططني من فوق سور استاد اولمباكوس في اليونان

2024-11-29 02:09:28

556

Ahmed Ali huseen :

اه والله احلى إجازة كنت بروح العب مع عمو زيوس فوق جبل الالومبيكوس

2024-11-29 07:09:49

428

moroj :

ايوه انا فاكره كنت بروح من الحضانه ع اليونان واكل عيش البيتا

2024-11-28 19:23:05

356

essam1899_ :

حبيبي يا زيوس

2024-11-29 16:00:56

To see more videos from user @youandayah, please go to the Tikwm homepage.