أبكي و عيني تسهر الليل يا ريم مدري بلاها الشوق و ألا الظليمة يا ريم دمع العين مدري على الريم و ألا على قلبٍ تواكل صميمه تقول لاطمني على نونها سيم أبكي و عندي لأزرق الدمع قيمة و يمكن يكون الدمع للعين تكريم و يمكن يكون إلها عذاب و حريمة و الله يا لولا دمعةٍ كنها الديم راحت ضلوعي من عذابي حطيمة دام البكا يا ريم ما فيه تحريم يا عنك و الله لأرخص الدمع شيمة و أبكي على حالي من الوجد و أهيم إلين الزمن يخلف عليًّا نسيمه أبكي حياةٍ صافية ما بها غيم وين المحبة و القلوب السليمة أبكي قهر و أبكي من الغبن و الضيم و أبكي من طعونٍ بقلبي قديمة جرح الزمن خلى بوجهي مراسيم و ما يذبح الرجال مثل الهزيمة بعض المصايب شرها يأكل الهيم و شلون بكبود الرجال الكريمة و بعض المصايب يخلفن المفاهيم تبغى على ما قيل صبر و عزيمة مظلوم في الدنيا و غيري مظاليم من عرض ناس لبسوهم جريمة ما عاد أبي من سود الأيام تعليم عقب العذاب اللي كلاني جحيمه و لو تصفي الدنيا عليَّا الملازيم ما عاد أدور من وراها غنيمة - @1invisibleman