@hanafantu21ffg: ይሄ መፅሐፍ ይለይብኛል ...ሰርክ እንደ አዲስ ያናግረኛል። መፅሐፉን ካነበብኩት ሦስት አመት አልፎኛል ነገር ግን ገፀባህሪያቱ ለብዙ ግዜ አብረውኝ ዘልቀዋል። በተለይ "እንጃኔ" እና "አንዴና ዘላለሜ" ላይ ያለችው "መሴ ቀዌ "...የመፅሐፉን ከግማሽ በላይ ገፆች የያዘው "የባስሊቆስ እንባ" ላይ ያሉት ገፀባህርያት ለ'ኔ መልክ አላቸው ፊቴ ላይ ድቅን የሚል ጋሽ ሙሌ መኪናውን ሽረረረረረረረ ሲያረግ ...እትሁኔ የሆነች እንስፍስፋ ያለች ነፍስ የመኖር ትርጉሟን የተነጠቀች ምስኪን ነፍስ😢 የልጅነት ያላለቀ ፍቅር ውሎ አድሮ ኑሮን ሲያናጋ "እንዴት በዚህ ልክ?" ያስብላል። የልጅነት የማይጠገቡ ትዝታዎችን፣ የወጣትነት እልህን፣ አትንኩኝ ባይነትንና ወኔ ምን እንደሚመስል በደንብ አሳይታናለች ከመንገር በላይ ጉልምስና አለፍ ሲልም እርጅናን ክትት አርጋልናለች። በታሪኩ ውስጥ ከግለሰብ ችግር አንስታ የቤተሰብ ከዛም ከፍ ሲል እንደማህበረሰብ እንደ ሀገር የገጠሙንን ህመሞች ከገፀባህሪዎቹ ጋር አብረን እንድንታመም እንድንቆዝም ባስ ሲልም እንድናለቅስ ታደርገናለች። በመፅሐፏ ጎንደር አካባቢ ካሉ ትንንሽ ከተሞች ተነስታ አዲስ አበባ እስካሉ ሰፈሮች ትወስደናለች። ከሌሎቹ መፅሐፎች ለእኔ ለየት የሚልበት ብዙ ግዜ ሴቶች በገፀባህሪ ሲሳሉ እንስፍስፋ የዋህና ደካማ ተደርገው ነው።  እዚህኛው የትዕግስት መፅሐፍ ላይ ግን የነበረንን የተንሸዋረረ እይታ በሆነ ያህል መልኩ ቀይራልኛለች ብዬ አስባለሁ በእኔ ንባብ። ገፀባህሪ መሳልን ተክናበታለች አተራረኳ የሚማርክ ቋንቋዎቹ ውብና ቀላል ናቸው። የማላውቃቸው የተወሰኑ ቃላቶች ነበሩበት ግን ከገለፃው የቃላቶቹን ፍቺ ለመረዳት ብዙም ከባድ አይደለም። ሌላም ሌላም ይደገመን ብለናል ትዕግሥታችን። #📚 #bookish #BookTok #books #bookrecommendations #bookreview

Hana Fantu D

Open In TikTok:

Region: ET

Sunday 01 December 2024 07:19:55 GMT