@qaz365kz: Мәжіліс депутаты Еділ Жаңбыршин Атырауда тасқын кезінде көмектескен, өлтірілген Пшөн деген иттің өлімі жайлы айтты. «Біздің заң жобасында ату деген мәселе жоқ. Ол жерде қандай жағдай болғанын біз айта алмаймыз. Қасында болған жоқпыз ғой. Жалпы қазіргі қолданыстағы заңда егер жануар агрессия танытса, адамға шабуылдаса, құтырма ауруымен ауырып, адамға шабуылдаса, шектеуге болатын заң қазір де бар», - деді Жаңбыршин Мәжіліс кулуарында. Еділ Жаңбыршиннің айтуынша, иесі бар итті атқандар жауапқа тартылатынын мәлімдеді. Өйткені ит де біреудің мүлкі. «Егер де далада лағып жүрмесе, қожайыны болса, оны өлтірсе, жауапкершілік бар. Қандай жағдай болғанын айта алмаймын. Білгілеріңіз келсе, Атырау барыңыздар да, сол жерден сұраңыз. Кеше тексеріс болып жатыр», - деді Жаңбыршин. Атырауда су тасқыны болған уақытта жергілікті тұрғындарға көмектескен итті атып кеткен еді. Атырау облысы Махамбет ауданы Сартоғай ауылында «Пшөн» есімді ит арқасына құм салынған дорбаларды тасып, жергілікті тұрғындарға көмектескен. Желіде итті атып кеткені туралы ақапарат тарады. Оны құтқару мүмкін болмады.

Qaz365.kz | Новости Казахстана

Open In TikTok:

Region: KZ

Wednesday 04 December 2024 06:10:12 GMT