@axmedcabayd: Waa Abwaan Xaaji aadan oo ahaa aqoonyahan iyo indheer garad reer cerigaabo ah oo waayadiisii dadkiisa ka waaninaaya qabyaaladda, kala qaybsanaanta iyo waallida ay illaa iyo ammintan ku jiraan. Waxay tahay waydiinta mudan in laga warceliyaa hadma ayaynu ka korayna caqliga ah waa laysbarandoonaa, magaaladayda anaa leh, anaa kaa laandheeraysan iyo kala qaybsanaanta? Isdilley, qaxnay, dhimannay, ku hanti beellay oo ku rogmanney, haddana weli waxaynu leennahay waa laysbaranayaa, Isbarashadeenu ma mid aan dhammaanbaa, mise fac walba waxa ku waajib ah in ay isku bartaan daadinta dhiigooda, barakicinta maatadooda iyo burburinta hantidooda? Waakan xaajiga oo ka waaninaaya dhibta maanta taagan tu lamid ah oo malaha waayadaasna taagnayd. Idinkoo sidii adhi ahmina, laydin kala iibsho Oo sida asbaacdiyo riyaha, laydin kala eego Anigaa ab roon iyo faraad, ku ibtilowdeene Odayaal sabaan hore dhintaa, abid ku faantaane Ma aqbalo sharcigu xaalkan oo, waa anfiyayaaye Miyaydaan aqoon diinta waa, ku andacootaane Inglan iyo Talyaanaa sidii, Nabi addeecdaane Idinna sida Aboorkiyo Tukaha, yaysu aragtaane Wax addoomo laydiinka dhigay, uumiyaa kale’e Hadba kii ajnabiyee yimaa, daba ordaysaane Nimaydaan aqoon baa fadliga, u ictiqaaddaane Ma aqbalo sharcigu xaalkanoo, waa anfiyayaaye Miyaydaan aqoon diinta waa, ku andacootaane. Xaaji aadan waa hilaadii 1946 Markale oo uu xaajigu da' noqday tuducyo ka mid ah gabayadiisii dahabiga ahaa ayuu ku yidhi: Markanse eegga odayoobayoo waan itaal gabaye Waa arami feedhaha waxaan aahda la hayaaye Ifkana talo ma kala qaadataan oo waa isku ogayne Aakhiro haddii aan tagoo iilka la i geeyo Itixaada waataad sidii adhi ahaydeene Indhahaysku aragtaan cadaawaha iskaga eega Is aamina dannigu waa waxaad ku ibtilowdeene Is aqbala qabiilnimada waad ku ambanaysaane Is addeeca uurxumidu waa aayatiin li’iye Ujeeddada la qarinaayo iyo amar dhammaan doonku Waa waxa danteenna akhiree taa iska ogaada Orod kuma gasho’e taladu waa oodo dhacameede Ninkaan aabbihii saafi jirin looma aammino’e Ha ekaanninee talo ninkii odhan karaw dhiibta Adduuniyo cilmaa qaaliyee urursha maalkiinna Ishtiraaga oo xoolo badan seeska ku adkaysta Ixsaan fala wax badan baa fakhrigu uub ku ridayaaye Hana ordina’e xaajada sidii aydinta u raaca Ikhyaartiinna daacada tashiga wada ogaysiiya Ilkuhu wada jirkooday hilbaha adag ku gooyaane Haddii iniba meel taagan tahay adhax ma feenteene Itifaaq la’aan laguma helo lib iyo iimaane Abtirsiinyo reer hebela’ iyo oday ku faan tuura Indho fura hurdadu waa waxaad ku ibtilowdeene! Xaaji Aadan Afqallooc, (ahun) Dardaaran 1956. #somalilandtiktok #muqdishotiktok🇸🇴🇸🇴❤ #FOURYOUPAGE #AXMEDCABAYDH @suldan cisman @Hamze warsame @Z.Hako

Axmed cabaydh

Open In TikTok:

Region: SO

Thursday 05 December 2024 17:30:10 GMT