زربيان العدني المكونات فلفل بارد فلفل حار حسب الرغبه روب ( زبادي ) ثوم وزنجبيل بصل مقلي نص كوب ماي البهارات ( كركم / كزبره / كمون / فلفل اسود / هيل ملح حسب الرغبه دجاج منزوع الجلد مقطع اربع قطع بطاط مقطع قطع كبيره دهن قلاي البصل او اي نوع من الزيوت بهارات صحيحه ( دارسين / هيل / ورق الغار ) عيش ( رز ) منقوع ماي الورد والزعفران مكونات السحاوق طماط مقطع / كزبره / ٣ فصوص ثوم / فلفل اخضر حار / فلفل احمر ناشف / كمون / ملح / نص كوب ماي الطريقه 1_ بالخلاط نحط فلفل البارد والحار والروب والثوم والزنجبيل والبهارات الناعمه والبصل المقلي ونص كوب ماي ونخلطهم جميعا 2_ ناخذ الخليط ونتبل فيه الدجاج لمدة ساعه او اكثر 3_ بالجدر نحط شوية دهن ونحط الدجاج من غير الصلصه ونستمر بالتقليب لما نحصل على اللون المطلوب 4_ نحط الصلصه بالكامل على الدجاج ونحط البطاط ونسكر غطا الجدر لمدة نص ساعه 5_ طريقة طبخ العيش بالجدر نحط ماي حار وملح وشوية دهن والبهارات الصحيحه ونحط العيش ونخليه يطبخ ٦ دقايق وبعدها نصفيه من الماي 6_ بعد مرور نص ساعه على الدجاج نحط العيش فوق الدجاج ونصب منقوع الزعفران فوق العيش ونحط البصل المقلي ونسكر غطا الجدر لمدة ربع ساعه او ٢٠ دقيقه 7_ عمل السحاوق العدني بالخلاط نحط الطماط والكزبره والثوم والفلفل الحار الاخضر والاحمر الناشف وكمون وملح ونص كوب ماي ونخلطهم مع بعض بصحن التقديم نحط العيش وفوقه رشه من البصل المقلي وصحن صغير عميق نحط السحاوق وعليكم بالف عافيه - @ahmadsafarkw