@life_shymkent17: “1000 САУДА НҮКТЕСІ” ЖОБАСЫ АЯСЫНДА ЗАҢСЫЗДЫҚ АНЫҚТАЛДЫ Шымкент қаласында “1000 сауда нүктесі” бағдарламасы аясында сенімгерлік басқаруға берілген жер учаскесінің заңсыз қолданылғаны анықталды. Бұл жоба жергілікті кәсіпкерлікті қолдау мақсатында іске қосылғанымен, кейбір қатысушылар тарапынан келісімшарт талаптары орындалмаған. 2021 жылы “Shymkent” ӘКК” АҚ мен ЖК “Жұлдызай” арасында сенімгерлік басқару келісімшарты жасалды. Аталған келісімшартқа сәйкес, кәсіпкерге Шымкент қаласы, Абай ауданы, Т. Рысқұлов көшесінде орналасқан, 20 шаршы метрді құрайтын жер учаскесі берілді. Бұл жердің мақсаты – фаст-фуд сатуды ұйымдастыру үшін киоск орнату. Алайда, биыл 1 шілде мен 28 қазан аралығында кәсіпкер жалдау төлемін төлемей, 120 күнге созылған қарыз қалыптастырды. Осыған байланысты “Shymkent” ӘКК АҚ тарапынан келісімшарт біржақты тәртіпте бұзылды. Бұл шешімнен кейін кәсіпкер жер учаскесін босатуы тиіс болғанымен, талаптар әлі күнге дейін орындалмады. Мониторинг нәтижесінде сауда нүктесінің үшінші тұлғаға заңсыз сатылғаны анықталды. Бүгінге дейін учаскені жалға алушылар рұқсатсыз кәсіпкерлік қызметті жалғастырып келген. Бұл жағдай “Shymkent” ӘКК” АҚ-ның заң аясында шара қабылдауына негіз болды. Жалпы “1000 сауда нүктесі” жобасы 2019 жылы басталып, кәсіпкерлерге көше саудасы үшін сенімгерлік басқаруға жер учаскелерін беруді көздеді. Алайда, жоба аясында орын алған заңсыздықтар бағдарламаның мақсатты жүзеге асырылуына кедергі келтіріп отыр. Қазіргі таңда “Shymkent” ӘКК АҚ аталған заңсыздықты жою және жерді босату бойынша тиісті жұмыс жүргізіп жатыр. Жергілікті кәсіпкерлікті қолдауға бағытталған жобалардың тиімділігі арттыру үшін мұндай мәселелер қатаң бақылауға алынбақ. Айта кетейік, бүгінде жоба бойынша 32 кәсіпкер сенімгерлік басқаруға берілген жер телімінде кәсібін жүргізіп келеді.

1133

There are no more comments for this video.

To see more videos from user @life_shymkent17, please go to the Tikwm homepage.