@life_shymkent17: “ЗЕЛЕНАЯ БАЛКА” ШАҒЫНАУДАНЫ ЖАҢҒЫРТЫЛАДЫ Бұл туралы Шымкент қаласының әкімі Ғабит Сыздықбековтің ресми парақшасында жарияланды. Халық араласында “Зеленая балка” атауымен танымал шағынауданды жаңғырту тұжырымдамасы әзірленді. “Көксай” шағынауданының тарихы 1915 жылы, қалада теміржол салу жұмыстары басталып, алғашқы қоныстанушылар көшіп келген кезеңнен бастау алады. Тұрғындар бұл аймақты «Нахаловка» деп те атаған, себебі мұнда азаматтар жер телімдерін өз бетінше иемденіп, үйлердің басым бөлігін заңсыз салған. Бұған дейін тұрғындар бірнеше рет әлеуметтік желілерде шағынауданда криминогендік ахуалдың күрделі екенін айтып, көмек сұраған еді. Осыған байланысты, аймақты дамыту тұжырымдамасы жинақталған проблемаларды кезең-кезеңімен шешуді көздейді. Жоспарға сәйкес, бұл елдімекенде аудан әкімдігінің жаңа ғимараты, дене шынықтыру-сауықтыру кешені, әлеуметтік нысандар, көпқабатты тұрғын үйлер мен саябақтар салынады. Сондай-ақ, қолданыстағы мектепті кеңейту және көпфункционалды сауда-логистикалық орталығын құру жоспарланған. Ғабит Әбдімәжитұлының айтуынша, бұл шаралар ауданның келбетін айтарлықтай өзгертіп, тұрғындардың өмір сүру сапасын арттыруға мүмкіндік береді. Сонымен қатар, мұндай кешенді жұмыстар алдағы уақытта Қошқар-ата өзені бойында да жүргізілмек. #шымкент #акиматшымкент #ғабитсыздықбеков2024 #lifeshymkent2024 #зеленаябалка

life_shymkent17

Open In TikTok:

Region: KZ

Tuesday 10 December 2024 05:06:58 GMT