@zayartbz7news: နိုင်ငံတစ်ဝန်းတိုက်ပွဲများနှင့် ရေကြီးမှုများကြောင့် မြန်မာ့စီးပွားရေး ၁ ရာခိုင်နှုန်း ကျဆင်းဖွယ်ရှိဟု ကမ္ဘာ့ဘဏ် ခန့်မှန်း ရန်ကုန်၊ ဒီဇင်ဘာ ၁၂ မြန်မာနိုင်ငံတစ်ဝန်းတွင် ရေကြီးမှုများနှင့် တိုက်ပွဲများကြောင့် မြန်မာ့စီးပွားရေးမှာ ၁ ရာခိုင်နှုန်း ကျဆင်းဖွယ်ရှိကြောင်း ကမ္ဘာ့ဘဏ်က ဒီဇင်ဘာလ ၁၁ ရက်နေ့ အစီရင်ခံစာ ထုတ်ပြန်ခန့်မှန်းလိုက်သည်။ လက်ရှိ၂၀၂၄-၂၀၂၅ ဘဏ္ဍာရေးနှစ်တွင် မြန်မာ့စီးပွားရေးမှာ ၁ ရာခိုင်နှုန်း ကျဆင်းဖွယ်ရှိကြောင်း၊ ရေကြီးမှုများနှင့် ပဋိပက္ခဒဏ်များကြောင့် မြန်မာ့ စီးပွားရေး ခန့်မှန်းချက်ကို ပြန်လျှော့ချလိုက်ကြောင်း၊ ကမ္ဘာ့ဘဏ်က ဇွန်လတွင် မြန်မာ့စီးပွားရေးကို ၁ ရာခိုင်နှုန်း တိုးလာမည်ဟု ခန့်မှန်းခဲ့ပြီး ဆင်းရဲမွဲတေမှုနှင့် အကြမ်းဖက်မှုများ တိုးလာမည်ဟု သတိပေးခဲ့သည်။ စစ်အာဏာသိမ်းမှုများကြောင့် အနောက်နိုင်ငံမှ ရင်းနှီးမြှုပ်နှံများမှာ မြန်မာနိုင်ငံအတွင်းမှ ထွက်ခွာနေပြီး ပိတ်ဆို့အရေးယူမှုများကြောင့် မြန်မာနိုင်ငံတွင် ဒီမိုကရေစီနှင့် စီးပွားရေး ပြုပြင်ပြောင်းလဲမှု ဆယ်စုနှစ်တစ်ခု ရုတ်ခြည်း ရပ်တန့်သွားခဲ့ကြောင်း သိရှိရသည်။ "လက်နက်ကိုင်ပဋိပက္ခ၏အဆင့်နှင့် ပြင်းထန်မှုမှာ မြင့်မားနေဆဲဖြစ်ပြီး လူနေမှုဘဝနှင့် အသက်မွေးဝမ်းကျောင်းလုပ်ငန်းများကို ဆိုးရွားစွာထိခိုက်စေခြင်း၊ ထုတ်လုပ်မှုနှင့် ထောက်ပံ့ရေးကွင်းဆက်များ ပျက်စီးနေခြင်းတို့ကြောင့် မြန်မာ့စီးပွားရေးအလားအလာမှာ မသေချာမရေရာမှုများ မြင့်တက်နေကြောင်း ကမ္ဘာ့ဘဏ်၏ အစီရင်ခံစာတွင် ဖော်ပြထားသည်။ ထို့ပြင် မြန်မာနိုင်ငံအတွင်း စက်တင်ဘာလအတွင်းက တိုက်ခတ်ခဲ့သော တိုင်ဖွန်း Yagi ကြောင့် လယ်ယာထွက်ကုန်များ ကျဆင်းသွားဖွယ်ရှိကြောင်း၊ ကုန်ထုတ်လုပ်မှုနှင့် ဝန်ဆောင်မှုကဏ္ဍများတွင် ကုန်ကြမ်းပြတ်တောက်မှု၊ သွင်းအားစုများနှင့် လျှပ်စစ်ဓာတ်အား မရရှိမှုတို့ကြောင့် ပြည်တွင်းဝယ်လိုအား အားနည်းပါးနေကြောင်း၊ ပဋိပက္ခနှင့် စီးပွားရေးမသေချာမရေရာမှုများကြောင့် စီးပွားရေး ကျဆင်းဖွယ်ရှိကြောင်း သိရှိရသည်။ စစ်ပွဲများကြောင့် ငွေကြေးဖောင်းပွမှုနှင့် ထောက်ပံ့ရေး ပြတ်တောက်မှုများကြောင့် မြန်မာနိုင်ငံလူဦးရေ၏ ၂၅ ရာခိုင်နှုန်းခန့်သည် ဆိုးရွာသော စားနပ်ရိက္ခာ မလုံလောက်မှု ကြုံတွေ့နေရကြောင်း၊ ငွေကြေးဖောင်းပွမှုမှာ ၂၆ ရာခိုင်နှုန်း ရှိနေမည်ဖြစ်ပြီးယင်းပမာဏမှာ ယခင် ၂၀၂၃-၂၀၂၄ ခုနှစ်၏ ငွေကြေးဖောင်းပွမှု ၂၇ ဒသမ ၅ ရာခိုင်နှုန်း ထက် အနည်းငယ် လျော့နည်းကြောင်း သိရှိရသည်။ ဓာတ်ပုံ- ယခုနှစ်အတွင်း KBZ ဘဏ်တွင် ငွေထုတ်ရန် တန်းစီနေခဲ့ကြသည့် ပြည်သူများ။ (ပုံအဟောင်းဖြစ်ပါသည်။)@Zayar TBZ 10(X) @ZayarTBZ ေမာင္သံဒိုး #myanmarcelebritytiktok #zayartbz #မြန်မာသတင်း #အရေးတော်ပုံအောင်ရမည် #ဒေသသတင်းရင်းမြစ် #တော်လှန်ရေးရဲဘော်များဘေးကင်းကြပါစေ #myanmarnews #ပြည်သူများဘေးကင်းကြပါစေ

ZayarTBZ 7 News

Open In TikTok:

Region: TH

Thursday 12 December 2024 11:31:06 GMT