@rosenunu7: #မီးဖွားခန်းကထွက်ပြီးတော့ ဇနီးက သူ့ခင်ပွန်းကို မေးလိုက်တယ်။ ကျွန်မနဲ့ ကလေး ဘယ်သူ့ကို ပိုချစ်တာလဲ ခင်ပွန်းသည်က ပြုံးပြီးဖြေတယ်။ သေချာပေါက်မင်းကို ပိုချစ်တာပေါ့ ဆွေမျိုးတစ်ချို့ နှာခေါင်းရှုံ့ကြတယ်။ ကလေးမျက်နှာမှမထောက်၊ မွေးမွေးချင်းဒီလိုစကားမျိုးပြောရသလား။ ဒီလိုအဖေမျိုးလက်ထဲတော့ မရောက်ချင်ဘူးပေါ့။ တစ်နေ့မှာ ကလေးအဖေတစ်ယောက်က ချစ်လှစွာသော သူ့ရဲ့သားလေးနဲ့အတူ မီးဖွားခန်းရှေ့မှာ သူ့ဇနီး ဒုတိယအကြိမ် မီးဖွားတာကိုစောင့်နေတယ်။ ပူပန်နေတဲ့သူ့အဖေကို သားလေးက ပွေ့ဖက်နမ်းရှုံ့ရင်း မျက်နှာမပျက်ဖို့ပြောတယ်။ ဒါနဲ့ အဖေဖြစ်သူကလည်း သားငယ်ကို ပြန်ကောက်ချီလိုက်ပြီး သေချာတာပေါ့၊ အမေက အရာအားလုံးကိုကျော်ဖြတ်ပြီး ဘေဘီအသေးလေးကို တို့ဆီခေါ်လာမှာပါ လို့ သားလေးရဲ့ ပါးကိုနမ်းရှုံ့ရင်း ပြန်ပြောလိုက်တယ်။ အဲ့အချိန် ကလေးက မေးတယ်။ အဲဒီ့ဘေဘီသေးလေးနဲ့ သာသားဆို ဘယ်သူ့ကို ပိုချစ်မှာလဲ အဖေကပြုံးရင်း ပြန်ဖြေတယ်။ သေချာပေါက် သာသားပဲပေါ့ နဘေးက လူတွေ မျက်စောင်ထိုးကြတယ်။ ဒီအဖေက ဘယ်လိုစကားကို ပြောတာလဲပေါ့။ နေ့ တစ်နေ့ ။ ဆောင်းလေငွေ့ငွေ့လေးတိုက်နေတဲ့ ခပ်အေးအေး မနက်ခင်းအချိန်တစ်ခုမှာ အဖေတစ်ယောက်က ကော်ဖီပူနွေးနွေးလေး ငါးခွက်ကို ဖျော်နေတယ်။ တစ်ခွက်က သူ့အမေအတွက်၊ တစ်ခွက်က သူ့ဇနီးအတွက်၊ တစ်ခွက်က သူ့ရဲ့သားကြီးအတွက်၊ တစ်ခွက်က သူ့အတွက်။ နောက်ဆုံးလက်ထဲမှာ အပူပျောက်အောင် အချိန်အကြာဆုံး စိတ်ပါလက်ပါကိုင်မှုတ်ပြီး ပူသေးလား၊ နွေးနေပြီလားလို့ သေချာစမ်းစစ်နေတဲ့ခွက်ကလေးကတော့ ၄နှစ်ကျော် သူ့ရဲ့သမီးငယ်လေးအတွက်။ အားလုံးက ရယ်ရွှင်ရင်း ကော်ဖီအတူထိုင်သောက်ခဲ့ကြတယ်။ ခဏနေတော့ ကလေးနှစ်ယောက်က ဆော့ကစားဖို့ ခြံဝန်းထဲပြေးထွက်သွားပြီး အဖေ၊အမေနဲ့ အဖွားလုပ်သူတို့ကတော့ ကလေးနှစ်ယောက်ကို လှမ်းမြင်နေရတဲ့ လေသာဆောင်တစ်ခုအတွင်းမှာထိုင်ရင်း သူတို့ကလေးတွေဆီလှမ်းကြည့်လို့ စကားစမြည်ပြောဆိုနေကြတယ်။ အဲ့အချိန် အဖွားလုပ်သူက ပြုံးရင်းမေးတယ်။ သားငယ်၊ မင်းက မင်းရဲ့ဇနီးကိုလပ်ထပ်ချင်ပါပြီလို့ ငါ့ကိုခွင့်တောင်းခဲ့တဲ့အချိန်မှာ အမေ့ထက်တော့ အဲဒီ့မိန်းကလေးကို ပိုမချစ်ပါဘူးလို့ ငါ့ကိုပြောခဲ့တယ်။ ဒါပေမယ့် နောက်ကျတော့လည်း မင်းဇနီးကို မင်းဟာ ဘယ်လောက်တောင်ချစ်ထားသလဲ။ နောက်တစ်ခါ မင်းရဲ့သားကြီးလေးကို မွေးတဲ့အချိန်မှာ မင်းဇနီးကမေးတော့ မင်းဟာနောက်မှရောက်လာတဲ့ကလေးတစ်ယောက်ကို အခုအစားထိုးမရအောင်ချစ်မိပြီးသား ဇနီးသည်လောက် ဘယ်မှီအောင်ချစ်နိုင်မလဲတဲ့။ ပြီးတော့ မင်းသားဟာ မင်းအသက်ဖြစ်လာတာပဲ။ နောက်ဆုံး မြေးငယ်လေးကိုမွေးလာတော့လည်း အဲဒီ့ကလေးကို မင်းသားကြီးထက် ပိုမချစ်ဘူးလို့ ပြောခဲ့တယ်။ အခုကျ မင်းဟာ ကော်ဖီနွေးကိုတောင် ပူမှာစိုးလို့ မင်းသမီးငယ်ကို ရဲရဲမတိုက်ရဲဘူး။ အဲဒီ့လောက် စိုးရိမ်ပူပန်ပြီး ချစ်နေပြန်တယ်။ ငါသိချင်တယ်။ မင်းဒီမိသားစုမှာ ဘယ်သူ့ကို အချစ်ဆုံးလဲ တဲ့။ ခင်ပွန်းသည်ရဲ့အဖြေကို သူ့ဇနီးကပါ မျှော်လင့်တကြီး သိချင်စိတ်နဲ့ မျှော်လင့်စောင့်ငေးနေခဲ့တယ်။ ခင်ပွန်းသည်က ပေါ့ပေါ့ပါးပါးပဲ ပြန်ဖြေလိုက်တယ်။ လူတွေအများကြီးကို ချစ်ဖို့ဖြစ်လာတဲ့အခါကျရင် ဘယ်သူ့ကို အချစ်ဆုံးလဲလို့ မရှိတော့ပါဘူးအမေ။ သူတို့တစ်ယောက်ချင်းဆီကို စကားတစ်ခွန်းနဲ့တောင် ဝမ်းနည်းထိခိုက်တာမျိုးမဖြစ်ရအောင် ဘယ်လိုချစ်ရမလဲဆိုတာပဲ ကျွန်တော်လေ့လာပါတယ်။ လူတစ်ချို့က အချစ်မှာ ပြဿနာရှိနေတယ်။ အဲဒါ ကျောခိုင်းထားတော့ ချစ်တယ်ပြောပြီး ရှေ့တည့်တည့်လှည့်ခါမှ ရင်ဝစောင့်ကန်တာပဲ။ ကျွန်တော်ကတော့ ရှေ့တည့်တည့်မှာ ဘယ်သူရှိနေလဲဆိုတာပဲ စိတ်ဝင်စားတယ်။ လက်ရှိမှာ ကျွန်တော့်အချစ်ကြောင့် ငိုတတ်၊ရယ်တတ်မယ့်သူ၊ လက်ရှိမှာ ကျွန်တော့်စကားကြောင့် သေနိုင်၊ရှင်နိုင်မယ့်သူ။ ကျွန်တော်ချစ်တာကို သိပြီး၊ ကျွန်တော်မချစ်တာကိုလည်း သိမယ့်လူ။ နောက်ကျောဘက်က ကျွန်တော်အပြုအမူကြောင့် ဘာမှမသက်ရောက်နိုင်သေးတဲ့ တစ်စုံတစ်ခုကိုတော့ အဲ့အချိန်မှာ ခေတ္တလျစ်လျူရှုလိုက်ရပါတယ်။ လက်ထပ်တဲ့နေ့က အဲဒီ့မိန်းကလေးကို အမေ့ထက် ပိုချစ်လို့ သွားတော့မယ်လို့ပြောရင် အမေသိပ်နာကျင်ခဲ့မှာပေါ့။ အဲဒီ့မိန်းကလေးကတော့ ဘာမှသိမှာမဟုတ်ဘူး။ သားကြီးကိုမွေးတဲ့နေ့မှာ ငါမင်းထက် ဒီကလေးကို ပိုချစ်သွားပါပြီလို့ဖြေရင် ရုတ်တရက်တော့ သူမရင်ထဲမှာ လစ်ဟာချင်လစ်ဟာသွားမှာပေါ့။ ကျွန်တော် မသိဘူး။ ဒါပေမယ့် ကျွန်တော်သူမကို အပြည့်ဝဆုံးပျော်စေချင်လို့ အဲဒီ့လိုဖြေခဲ့တယ်။ အဲဒါကြောင့်နဲ့ ကျွန်တော်သားကြီးလည်း ဝမ်းမနည်းခဲ့ရပါဘူး။ သမီးငယ်လေးကိုမွေးတဲ့နေ့မှာလည်း ကျွန်တော်သာသားကြီးထက် ဘေးဘီသစ်လေးကိုပိုချစ်သွားပါပြီလို့ဖြေရင် ကျိန်းသေပေါက် သားလေးငိုခဲ့မှာ။ ဒါပေမယ့် သမီးငယ်လေးကတော့ အဲ့အတွက်ဘာမှ ခံစားလိုက်ရမှာမဟုတ်ဘူး။ ဒါကြောင့် ဒီရွေးချယ်မှုတွေဟာ အကျိုးမဲ့ပဲ။ မသိနိုင်သေးတဲ့သူတစ်ယောက်အတွက် သိနိုင်တဲ့သူတွေကို အရင်ငိုစေတာ။ တကယ်တော့ အဲဒီ့လူနှစ်ယောက်စလုံးကို ပျော်အောင်လုပ်ပေးလို့မရဘူးလား။ ကျွန်တော် သူတို့အားလုံးကို ရွေးချယ်လို့မရဘူးလား။ #fypシ゚

အိမ့်

Open In TikTok:

Region: SG

Friday 13 December 2024 12:59:22 GMT