ڕۆژێکیان هاواری کردو وتی تەواو حەسیر ئیتر تەحەمولت ناکەم! منیش وتم جا تەحەمولم ناکەیت چی ئەکەی ئاخر‼️ وتی ئیتر تەحەمول ناکەم من هەر هەڵەیەکم کرد بێ ئەملاو لا بێم داوای لێبوردن بکەم بەڵام تۆ هەزار شێرو ڕێوی بێنیتەوە ئەمە چییە ئەوەنە غڕورت بەرزە بۆی دان بە هەڵەکەی خۆتا نەنێیت❗ کاتێک هەڵە ئەکەیت ئەبێ وەکو من بێ چەندو چون بێیت بڵێی قسەکەی تۆ وایەو من هەڵەبووم نەک مناقەشە بکەیت و بەزۆر بیسەلمێنی کە ڕاستیت و لەسەر حەقیت...❌ بە توڕەیی چووە دەرەوە... منیش فرمێسک لەچاوما قەتیس مابوو ئەموت چۆن ئەبێ بڵێ ئیتر تەحەمول ناکەم و چۆن ئەبێ ئاوا بکات و هەرچی بووەو نەبووە هێنامەوە خەیاڵم و بەدەم هەنیسک لێیانەوە خەوتم... کاتێک هەستام و سەیری مۆبەکەمم کرد ئەوەنەی تر خەفەتم خوارد کە زانیم هیچ نامەو تێلێکی نەکردووە.📵 بێتاقەتی خەریکی سەیرکردنی یوتوب بووم چەند خوارنێکی جیاواز هاتە بەرچاوم.. زۆر لا ئیرادانە هەستام قیمەی فلێزەرەکەم دەرهێناو ئەم سێ باینجانەشمان کە هەبوو وتم ئەکرێ خۆش بێ.. هەڵبەتە هاوسەرم زۆر حەزی لەو خواردنانەیە کە بە قیمە دروست ئەکرێ، هەموو شتێکم لەبیرکردو نوقمی دروستکردنی خواردن بووم،بەڵێ هەر بەڕاست بە درووستکردنی خواردنەکە لایەک لە خەمو خەفەتەکانم ڕەویەوە. خواردن ئامادەکرا، سفرە حازرکرا،شکڵ و جلەکانی حەسیریش گۆڕدرا و پاشان لە دەرگای مەدخەلیش درا...✊ بەڵێ یار هاتەوە بە دەم و چاوێکی زۆر ماندوەو دنیایەک خەمی لەناو چاوەکانیا بوو، ڕاستتان ئەوێ ئەسڵەن چاوەڕێی ئەو بەخێرهاتنەوەیە نەبوو.. کاتێک سەیری چاویم کرد گەشایەوە، زەردەخەنە لەسەر لێوی بوو بەڵام هێشتا باوەڕێ نە ئەکرد وتی ئەڵێی میوانمان هەیە؟ وتم حسابکە میوانی لێیە. کاتی نانخوراو دەستیش شۆردرا بێ هیچ گرێیەک وتم ئینجا ئەکرێ بمبوری؟ . لەو ڕۆژەوە بڕیارمان یا هەرکاتێک کەسێک بیەوێ داوای لێبوردن بکا ئەبێ شتێکی جیاواز ئامادە بکا،ئەوکاتە ئەگەر بە وشەش نەڵێیت بمبورە ،بەکردەوە پێت وتووە، جوانترین بڕیارمان بووەو هەتا ئێستاش زۆر باش جێبەجێمان کردووە✅ ئینجا بەخێرهاتنەوەشم بکەن دڵم پێی خۆشەبێ🥺حەسەگیان هاتەوە بۆلاتان - @hasir_xanm