@1reme7: انا واثقه أنُ كُل شيء مكتوب لنه راح نحصل عليّ في الوقت المُناسب { ما فاتَكَ لم يُخلق لكَ وما خُلِقَ لكَ لن يفوتكَ } والحمد لله عندي ثقه ويقين بالله قوي وما أخجل من عُمري أنُ ٢٢ وسادس مو لازم نكون مثاليين ونتخرج من السادس بعُمر الـ ١٨ كُل شخص واله ظروفه وحياته الخاصه وبالعكس انا كاعده أحاول أكون نسخه أفضل من نفسي وبالنهايه ما تأخرت عبث انا بالثالث متوسط ( ٣ سنوات بقيت بي ) يلا نجحت وكُل سنه ٣ أدوار وبطلاع الروح نجحت بس المُهم نجحت ودخلت أدبي وكملت الرابع ونجحت منه وصلت للخامس وأُمي تمرضت ومريت بظروف كلش صعبه عليّ ضليت بنهاية السنه أمتحان أروح وأمتحان لا فـ رسبت .. بعدها توفت والدتي انا عفت الدراسه والدنيا كلها وأبتعدت عن كُل شيء .. بعد سنه ونص من وفاة ماما قررت أنُ أقدم خارجي سادس وأكمل السادس بس ما قبلوني لأن عُمري صغير ولازم تاركه ٣ سنوات يلا يحق لي بالتقديم الخارجي والدي قنعني أنُ أرجع للمدرسه وأكمل الخامس وبالسنه اللي بعدها أكون سادس بشكل طبيعي أفضل من الخارجي وأنُ أنتظر ٣ سنوات .. بصراحه كوه أقتنعت جنت رافضه أداوم ويه بنات أصغر مني بس الحمد لله داومت بمدرسه مسائيه والبنات كلهم بعُمري واكو أكبر مني وصار المكان مكاني وأنرزقت بصديقات مهونين التعب والحمد لله هذه السنه كملت الخامس ونجحت منه ، وبنفس هذه السنه صرت سادس وكاعده أسوي العليه حتى أنجح فـ الزبده ماكو شيء يصير بحياتنا عبث كُل شيء مقدر ومكتوب لنه والعواقب مُهمه لازم نعيشها يمكن انا لو متخرجه ويه اللي بعُمري هذه السنه جان ظروف حياتي سيئه أو عندي مُشكله بحياتي مأذيتني أو هواي أسباب فـ الحمد لله على أختيارات الله لنه .. أفتخروا بنسخكم القديمه ولا تخجلون من روحكم وفشلكم .. بالعكس أحجو وانتو فخورين بكُل العشتو ويارب الكُل يتحقق أحلامه ويكون بالمكان اللي روحه تريده✨

ᴍᴀʀɪᴀᴍ

Open In TikTok:

Region: IQ

Monday 16 December 2024 00:32:58 GMT