زۆر بە غەریبی خەمی ناو دڵمان دەمرێت، دەکوژێتەوە ئەو هەستەی یەکجار بە ڕاستەقینەیی دەیبەخشی، لەپڕێکدا کەسێک دەبینیت و پێی سەرسام دەبیت بێ هیچ ناسینێک، دەبینیت هەموو ئەو سیفەتانەی تێدایە کە دڵت لە مێشکدا نەخشاندوویەتی، تا ساتێک دێت بەخۆت دەڵێیت: لەم ژیانە هەموومان کەسێک دەبینین کە هەرگیز لەیادمان ناچێتەوە. قوڵ دەبیتەوە، بەوپەڕی سۆز و حەسرەتەوە قاچ دەنێیت بەو ڕێگایە، هەوڵدەدەیت بەردەوام، بە ئومێدەوە خەیاڵ دەکەیت، هێدی هێدی تامی تاڵی دەکەیت، وردە وردە هەست دەکەیت تۆ لە شوێنێکی تریت، تۆ ژیانێکی جیاواز دەژیت لەگەڵ ئەودا، نوقتەیەکی ڕەش دێت بەناو دڵتدا، خەریکی ڕەشکردنی ڕەنگەکەیەتی، بەڵام هەر پێداگری و ناتوانیت بڕیاربدەیت، نازانیت هەوڵبدەیتەوە یان دووربکەویتەوە، جارێک یارە و جارێک دۆستە و جارێک بێگانە، بەم شێوەیە ڕۆژەکان تێدەپەڕن، تا ئەو نوقتە ڕەشە هەموو دڵت تاریک دەکات، وەک زەلیلێک خۆزگە دەخوازیت هۆکارێک بدۆزیتەوە بۆ ئەوەی ڕقت لێی بێت، لە بەرامبەریشدا هەر دەترسیت، هەر بەدەم خەیاڵێکدایت کە وا بیردەکەیتەوە هی تۆیە، تا ئەو ساتەی بە بێدەنگی و چرپەوە ڕۆحت دەگریت، پێت دەڵێت: نا هی تۆ نییە! دوای ئەوەی هەموو شتێک لەدەست دەدەیت و دەگەیتە خاڵی کۆتایی دەڕۆیت لەپێش ئاوێنەکەیدا سەیری خۆت دەکەیت، فرمێسکێک لەچاوتدا گیری خواردووە، بە بێدەنگی سەیری خۆت دەکەیت و دەڵێیت: وادیارە ناکۆکییەکی هەمیشەییم هەیە لەگەڵ خۆشەویستیدا، یان کەسێک ئەدۆزمەوە خۆشم دەوێت و خۆشی ناوێم، یانیش کەسێک منی خۆشدەوێ و من خۆشم ناوێت، گەر قەدەریش ویستی من و کەسێک بین کە خۆشم دەوێت، ئەمجارە ژیان پێکەوە بوونمانی خۆشناوێت! - @em9dno