@eyob_12_: #ኢዮብ_ዘ_ሚካኤል ... የኢትዮጵያ ቤተ ክርስቲያን የኢትዮጵያ ኦርቶዶክስ ተዋህዶ ቤተክርስቲያን በስፋት ወንጌልን የሰበከችውና ብዙ ተከታዮች ያገኘችው በአራተኛው ክፍለዘመን ጀምሮ ቢሆንም ክርስትና ግን ወደ ሀገራችን የገባው በኢትዮጵያዊው ጃንደረባው እንደሆነ ታስተምራለች። ይህ አስተምህሮ የቤተክርስቲያንን ታሪክ በሰፊው በጻፈው በአውሳብዮስ ዘቂሳርያም ተነግሮ እናገኘዋለን- "...የመድሃኒታችን ወንጌል ስብከትም በየቀኑ እየገፋ ሲሄድ የኢትዮጵያ ንግስት መኮንን የሆነ ሰው (ወደ ኢየሩሳሌም) መጣ።...እርሱም የእግዚአብሔርን ቃል ከፊልጶስ በመቀበል ከአህዛብ ውስጥ የመጀመሪያው ሆኗል።የመጀመሪያው አማኝ በመሆኑም ወደ ሀገሩ (ኢትዮጵያ) ሲመለስ የእግዚአብሔርን ቃል እንደሰበከና የአዳኛችንን ህይወት ሰጪ ትምህርት እንዳስፋፋ ይነገራል። ስለዚህም በእርሱ ምክንያት ይህ ትንቢት ፍጻሜውን አገኘ "ኢትዮጵያ እጆችዋን ወደ እግዚአብሔር ትዘረጋለች።"...[1] የምስራቅ ስነመለኮት ፕሮፌሰር አንድሪው ሎዝ ይህ የአውሳብዮስ መጽሀፍ ከ 313AD አካባቢ ጀምሮ መጻፍ እንደጀመረና በ 324AD እንደተጠናቀቀ ያምናሉ።...[2] ይሄ ማለት አቡነ ፍሬምናጦስ ጵጵስናን ተቀብለው ከግብጽ ከመመለሳቸው (328AD) በፊት ነው መጽሀፉ የተጻፈው ማለት ነው። ከዚህ የተወሰኑ ነጥቦች እናገኛለን- 1) ኢትዮጵያዊው ጃንደረባ ወደ ሀገሩ ተመልሶ ክርስትናን አስፋፋ የሚለው አስተምህሮ ከአራተኛው ክፍለዘመን በኋላ በኢትዮጵያ ቤተክርስቲያን የተፈበረከ ሊሆን አይችልም።(አውሳብዮስ ሳይቀር በአራተኛው ክፍለዘመን ይሄንን ትውፊት ያውቀው ስለነበር) 2) አስተምህሮው ከአራተኛው ክፍለዘመን በፊትም ቢሆን በኢትዮጵያ ክርስቲያኖች የተፈበረከ ሊሆን አይችልም።(የኢትዮጵያ ክርስቲያኖች ትንሽ ቁጥር ትውፊቱን ያን ያህል ሀይል መስጠት የማይችል በመሆኑ እስከ አውሳብዮስ ሊደርስ አይችልም ነበርና) 3) ይህ አስተምህሮ በአውሳብዮስ ብቻ ሳይሆን በሄሬኔዎስና አርጌንስ በመሳሰሉ አባቶች ጭምር መጠቀሱ ትውፊቱ ከኢትዮጵያ ውጪ ባሉ ክርስቲያኖችም ተቀባይነት እንደነበረው ያሳያል።...[3] ...ከሁሉ በላይ በምትሆን ሃዋርያት በሰሯት በአንዲት ክብርት ቤተክርስቲያን እናምናለን... [1] Eusebius , Church history , Book 2 chapter 1. [2] Andrew Louth , The date Of Eusebius' Historia Eccelesiastica , page 41. [3] Ireaneus , Against heresies , Book 3 chapter 12 @eyobzmikael12 @eyobzmikael12 @eyobzmikael12

ኢዮብ-ዘ-ሚካኤል

Open In TikTok:

Region: ET

Friday 20 December 2024 19:26:42 GMT