عيني ..حتى اللي ما تعرف تطبخ الدولمة رح تضبط هذا المحشي 😁.. سر محشي بصل ( دولمة بصل ) ذايييب و ما راح تحتاجون تسلقون البصل وتضيعون النكهة اللي ينطيها البصل بالطبخ .. سويتة مرة وتورطت 🤣🤣 كل أسبوع لااازم ارجع اسويه رح اعلمكم كل أسرارة وشلون يطلع وياكم ذاااييييب وطعمة رهيييب . احفظو الوصفة لان رح تحتاجوها اكيد 😉 كيلو إلى كيلو ونص بصل ابيض حجمة وسط مو دائري اختارو طولاني ( هذا اول سر 😉 ) السر الثاني تدكون البصل ضربات خفيفه حتى يطرى عدكم ورح ينفتح وياكم بكل سهولة وهذا السر الثاني 😁 كوب رز قصير الحبة ما يحتاج غسل ٢ طماطة بقدونس و شبنت لب البصل نثرمة ناعم ملعقة صغيرة ( كمون/ كاري / سبع بهارات ) ملح معجون طماطة دبس رمان عصير ليمون 🍋 زيت زيتون الصلصة معجون طماطة / زيت زيتون/ مي حار / ملح / عصير ليمون 🍋 السر الثالث : الصلصة تكون خفيفة مو ثخينة حتى التمن ياخذ وقتة بالطبخ وما تنشف الصلصة بسرعة السر الرابع : طريقة الطبخ ربع ساعة نار عالية بعدها تتركوه اقل شي ساعة على نار ناصية طبقو هذي الخطوات و مستحيل يفشل عدكم محشي البصل و على ضمانتي 😊🧅🍽 . . . . #محشي_بصل #دولمة_بصل #بصل #وصفات_سهلة #وصفات_الطبخ #مطبخ_عراقيات - @ban.cozycooking