@shefooo_620: أغنية "الفات زمان" عندها قصة سمحة: شاعر الأغنية تاج السر عبد القادر قال: كنت في اتحاد الفنانين ومعاي صديقي الفنان خوجلي هاشم، وفي مناسبة زواج مفروض أمشيها.. قلت لي خوجلي تمشي معاي العرس دا وتغني ليهم كمان، طوَّلت من صوتك والغُنا.. وصلنا الحفل، الفنان الكان بغني أول ما شاف خوجلي داخل طوالي قدَّموا.. طلع خوجلي المسرح عشان يغني، يصادف إنو أول أغنية غنّاها كانت من كلماتي، أغنية قديمة وقصتها حزينة اسمها "غلطان عليك".. وأنا الفترة ديك اتجاوزت الماضي ومتصالح مع نفسي.. فجأة خوجلي في لحظة رجعني لأيام الحزن ديك.. مجرد ما بدأ يغني رجعت لي كل الذكريات الأليمة، وزهجت جداً من الحفلة وطلعت طوالي مشيت البيت، رغم اني كنت متحمس أسمع خوجلي لكن ما قدرت، أغنية واحدة ما كملتها.. رجعت البيت بقيت قاعد مساهر، طلّعت ورقة وقلم، وكتبت بعاتب في خوجلي هاشم: الكنت قايلو فات زمان رجَّعتو بي طعم الغُنا.. أحلام صباي والذكريات هوَّمت بي في الدندنة.. تاري في جواي نغم لسه القِليب بدق هِنا.. ناسي الزمان اتغيَّروا لكني ما اتغيَّرت أنا.. أطياف هواي يا حليلها جات تسأل علي ملهوفة كيف.. أجمل صور عبر الخيال مرسومة في خطوط الحروف.. وآ حسرة القلب اليتيم وآ ضيعة القلب الرهيف.. يا حليلها طلَّات الصباح ضي العوينات الشفيف.. مكتوب علي سفر الشجون شوق الحنين لوعة حزين.. مكتومة في أعماقي أنا محبوسة في دموع العيون.. لمتين وراك سفر الشقى قول لي متين لمتين يكون.. كأني مديون للعذاب أدفع سنين من عمري دين.. تم منع محمود عبد العزيز من ترديد الأغنية، لكنه ما استجاب وفي يوم أعلن على المسرح وقدام جمهوره العريض إنه لن يستجيب للمنع وقال: "الفات زمان دي من أغنياتكم، لكن للأسف الشديد الشاعر والملحن قالوا ما أغنيها تاني.. لكن أنا حأغنيها تاني، بالجد والله منعوني منها لكن حقتكم تسمعوها ونمشي السجن ونمشي أي حتة".. "الفات زمان" غنّاها لأول مرة خوجلي هاشم في عطبرة سنة ١٩٩٢م، وتم تسجيلها في شريط كاسيت ١٩٩٩م، ولمن سمعها محمود عبد العزيز عجبتو جداً وغنّاها، وبعد داك خوجلي أهدى محمود الأغنية، وقال إنو محمود عبد العزيز أدّاها أفضل أداء ولولاه لما وجدت كل هذا الانتشار والاحتفاء.. #محمود_عبد_العزيز #الفات_زمان #المتابعه #مشاهير_تيك_توك_مشاهير_العرب #السودان #المتابعين #كلمات #سودانيز_تيك_توك ##you #sudanese_tiktokمشاهير #الشعب_الصيني_ماله_حل😂😂 #مشاهير_السودان #اكسبلورexplore #الدعم #اكسبلور_explore #سودانيز_تيك_توك_مشاهير_السودان #sudanese_tiktok #fypシ #اكسبلور

𝐌𝐎𝐇𝐀𝐌𝐌𝐄𝐃 ッ 🎸

Open In TikTok:

Region: SD

Friday 27 December 2024 23:36:19 GMT