زندگی کے رنگ ہر دن کے ساتھ بدلتے رہتے ہیں اور کبھی کبھی انسان خود کو بہت بے بس محسوس کرتا ہے... وہ کیا چاہتا ہے___؟؟ کیا محسوس کرتا ہے___؟؟ کونسا دکھ ہے___؟؟ کیا اذیت ہے___؟؟ کچھ سمجھ نہیں آتا... کیسی وحشت ہے جس کے اظہار کے لیے نہ الفاظ میسر ہوتے ہیں نہ ہی سمجھنے کے لیے احساس... بس گھڑی کے پنڈولم کی طرح کئی سوچیں، کئی سانحے سوچ کے مدار میں بیک وقت سر پٹخنے لگتے ہیں اور اس کی ٹک ٹک بوند بوند گرتے پانی کی طرح مسلسل ہتھوڑا بنی توڑ پھوڑ جاری رکھتی ہے... ایسے میں روح و قلب کے قرطاس پہ کسی محبت کی پریاں نہیں اترتیں اور نہ ہی کوئی کاملیت سوچ و جنوں کی بوسیدگی کم کر پاتی ہے بس حالات کی بھٹی ساری شگفتگی نچوڑ لیتی ہے... کوئی ایسا نہیں ہوتا جو اس در اندازی کو مقفل کر سکے یا کم از کم اس کی صعوبتیں کم کر پائے بس انسان بکھرتا جاتا ہے شدتوں کے آسمان پہ سحاب کے پارچوں کی مانند... اپنے آپ میں بہت وزنی مگر دوسروں کے لیے بہت ہلکا... ایسے کتنے ہی لوگ ہیں جو ریشم کے ان پھندوں میں الجھے نہ بیان ہوتے ہیں نہ رقم ___ بس ہوتے ہیں نہ ہونے جیسے 🍂 . . #tiktok #fyppppppppppppppppppppppp #foryoupageofficial #Z_h #post #edit #foryou 🔥🔥 - @z.h_writes