@phoezaw783: မြင့်မြင့်ပျံပါ 🦅🦅🦅🦅🦅🦅🦅🦅🦅🦅 လေဆိပ်မှာ ရှိနေတုန်း တက္ကစီဆရာတစ်ယောက် ကျွန်မနား ရောက်လာပါတယ်။ တက္ကစီထဲမှာ ကျွန်မ ပထမဆုံး သတိထားမိတာက စာတစ်ကြောင်းပါ။ အဲ့ဒါက - - ဘဲလား၊🦆🦆🦆🦆🦆 လင်းယုန်လား🦅🦅🦅🦅🦅 သင်ပဲ ရွေးချယ်ပါ။ ဒုတိယ သတိထားမိတာက သန့်ရှင်းပြီး တောက်ပနေတဲ့ တက္ကစီကားပါ။ ယာဉ်မောင်းကလည်း အဝတ်အစား သပ်သပ်ရပ်ရပ်နဲ့၊ အဖြူရောင်အင်္ကျီ၊ မီးပူထိုးထားတဲ့ဘောင်းဘီနဲ့ နက်ကတိုင်တပ်ထားပါတယ်။ တက္ကစီဆရာက ကားပေါ်က ဆင်းလာပြီး ကျွန်မအတွက် တံခါးဖွင့်ပေးရင်း ပြောပါတယ်။ "ကျွန်တော်က ဂျွန်ပါ။ သင့်ရဲ့ယာဉ်မောင်းပါ။ ကျွန်တော် သင့်အိတ်တွေ သိမ်းနေတုန်း ဒီကဒ်ပေါ်က ကျွန်တော့်ရဲ့ တာဝန်ကို ဖတ်ကြည့်ပေးပါ။" ကဒ်ပေါ်မှာ ရေးထားတာက - ဂျွန်ရဲ့ တာဝန် - ကျွန်တော့်ဧည့်သည်များကို ခရီးပန်းတိုင်အထိ မြန်ဆန်၊ လုံခြုံ၊ စရိတ်စက သက်သာစွာနဲ့ ချစ်ကြည်ရင်းနှီးတဲ့ ပတ်ဝန်းကျင်တစ်ခုဖန်တီးပြီး ပို့ဆောင်ပေးမည်။ ကျွန်မ အံ့အားသင့်သွားပါတယ်။ တက္ကစီကားထဲကလည်း အတွင်းပိုင်း သန့်သန့်ရှင်းရှင်းပါပဲ။ ဂျွန်က မေးပါတယ်။ "ကော်ဖီ သောက်ချင်ပါသလား" သူ့ကို နောက်ပြောင်ရင်း ကျွန်မက ပြောလိုက်ပါတယ်။ "ဟင့်အင်း။ သစ်သီးဖျော်ရည်ပဲ သောက်ချင်တယ်။" သူက ချက်ချင်းပဲ ပြန်ဖြေပါတယ်။ "ပြဿနာ မရှိပါဘူး။ ကျွန်တော့်မှာ ပုံမှန် juiceနဲ့ သကြားမပါတဲ့ juice၊ သောက်ရေတို့ ဓာတ်ဘူးထဲမှာရှိတယ်။" ပြီးတော့ သူက ထပ်ပြောပါတယ်။ "စာဖတ်ချင်ရင်လည်း ဒီနေ့သတင်းစာနဲ့ မဂ္ဂဇင်းတွေ ရှိတယ်။" ခရီးစတင်တော့ ဂျွန်က ပြောပါတယ်။ "ဒါတွေက ကျွန်တော့်မှာရှိတဲ့ ရေဒီယိုလှိုင်းတွေ။ သူတို့လွှင့်တဲ့ သီချင်းတွေပါ။" အဲ့ဒါတင် မကသေးပါဘူး။ ဂျွန်က လေအေးပေးစက်ရဲ့ အပူချိန် အဆင်ပြေလားဆိုတာတောင် မေးပါသေးတယ်။ ပြီးတော့ ကျွန်မသွားမယ့်နေရာအတွက် အကောင်းဆုံးလမ်းကြောင်းကို ပြောပြပြီး သူ့ကို စကားပြောချင်သလား၊ ဒါမှမဟုတ် မနှောင့်ယှက်စေချင်ဘူးလား မေးပါတယ်။ ကျွန်မက မေးလိုက်ပါတယ်။ "ဧည့်သည်တိုင်းကို ဒီလိုပဲ ဝန်ဆောင်မှုပေးပါသလား" "မဟုတ်ပါဘူး" သူက ပြန်ဖြေတယ်။ "အမြဲတမ်းတော့ မဟုတ်ပါဘူး။ နှစ်နှစ်လောက်ပဲ ရှိပါသေးတယ်။ ပထမနှစ်တွေတုန်းက တက္ကစီမောင်းတဲ့အချိန်မှာ တခြားတက္ကစီဆရာတွေလိုပဲ တချိန်လုံး ညည်းညူနေခဲ့တယ်။ တစ်နေ့မှာ ဖွံ့ဖြိုးတိုးတက်မှုဆိုင်ရာ ကျွမ်းကျင်သူဆရာဝန်တစ်ယောက်ရဲ့ စကားကို နားထောင်မိပါတယ်။ သူက စာအုပ်တစ်အုပ် ရေးထားပါတယ်။ ခေါင်းစဉ်က - သင့်ဖြစ်တည်မှုကသာ ပြောင်းလဲနိုင်စေတာ။ သူက ဒီလိုပြောပါတယ်။ မနက်မိုးလင်းတာနဲ့ တစ်နေ့လုံး ဆိုးဆိုးရွားရွား ဖြစ်တော့မယ်လို့ မျှော်လင့်နေရင် သေချာပေါက် အဲ့လိုဖြစ်မှာပါပဲ။ ဘဲလို မနေနဲ့။ လင်းယုန်လို နေပါ။ ဘဲဆိုတာ အသံပဲထွက်ပြီး ညည်းညူတတ်တယ်။ လင်းယုန်ကတော့ အားလုံးအထက်မှာ ပျံသန်းနေတယ်။ ကျွန်တော်က အမြဲတမ်း အသံထွက်ပြီး ညည်းညူနေခဲ့တယ်။ ဒါနဲ့ ကျွန်တော့်သဘောထားတွေ ပြောင်းလဲဖို့ ဆုံးဖြတ်လိုက်ပြီး လင်းယုန်တစ်ကောင် ဖြစ်လာခဲ့တယ်။ တခြားတက္ကစီကားတွေနဲ့ ဒရိုင်ဘာတွေကို ကြည့်မိတော့ ညစ်ပတ်နေတဲ့ကားတွေ၊ မေတ္တာကင်းမဲ့တဲ့ယာဉ်မောင်းတွေနဲ့ စိတ်ကျေနပ်မှုမရှိတဲ့ဧည့်သည်တွေ။ အပြောင်းအလဲတွေ လုပ်ဖို့ ဆုံးဖြတ်လိုက်တယ်။ ကျွန်တော့်ဧည့်သည်တွေက ကောင်းကောင်းတုံ့ပြန်လာတော့ နောက်ထပ်ပြောင်းလဲမှုအချို့ ထပ်လုပ်ခဲ့ပါတယ်။ လင်းယုန်တစ်ကောင်အဖြစ် ပထမဆုံးနှစ်မှာပဲ ဝင်ငွေနှစ်ဆ တိုးလာခဲ့တယ်။ ဒီနှစ်မှာတော့ လေးဆတောင် တိုးလာပြီ။ ဒီနေ့ ကျွန်တော့်ကားကို စီးမိတာ ကံကောင်းတာပါပဲ။ ကျွန်တော်က တက္ကစီကားဂိတ်မှာ မရပ်တော့ပါဘူး။ ကျွန်တော့်ဧည့်သည်တွေက ဖုန်းခေါ်ပြီး မှာကြတယ်။ ဒါမှမဟုတ် မက်ဆေ့ချ်ပို့ကြတယ်။ ကျွန်တော် မလာနိုင်ရင် ယုံကြည်ရတဲ့ 'လင်းယုန်' တက္ကစီမိတ်ဆွေတစ်ယောက်ကို လွှဲပေးလိုက်တယ်။" ဂျွန်က ထူးခြားပါတယ်။ သူက သာမန်တက္ကစီတစ်စီးထဲမှာ ဇိမ်ခံကားဝန်ဆောင်မှု ပေးနေတာပါ။ တက္ကစီဆရာဂျွန်က ဘဲတွေလို အသံထွက်ပြီး ညည်းညူနေမယ့်အစား လင်းယုန်လို အများအထက်မှာ ပျံသန်းဖို့ ဆုံးဖြတ်ခဲ့တယ်။ သင်က ရုံးမှာပဲ အလုပ်လုပ်လုပ်၊ ပြုပြင်ထိန်းသိမ်းရေးလုပ်လုပ်၊ ဆရာ၊ ဆရာမတစ်ယောက်ပဲဖြစ်ဖြစ်၊ အစိုးရဝန်ထမ်း၊ နိုင်ငံရေးသမား၊ စီမံခန့်ခွဲသူ၊ ဝန်ထမ်း၊ ကိုယ်ပိုင်အလုပ်၊ ဒါမှမဟုတ် တက္ကစီဆရာပဲဖြစ်ဖြစ် အရေးမကြီးပါဘူး။ သင် ဘယ်လိုနေထိုင်နေလဲ။ အသံထွက်ပြီး ညည်းညူနေသူလား။ ဒါမှမဟုတ် တခြားသူတွေအထက်မှာ မိမိကိုယ်ကို မြှင့်တင်နေသူလား။ မှတ်ထားပါ - ဆုံးဖြတ်ချက်က သင့်လက်ထဲမှာပါ။ အဲ့ဒီသော့က အထဲကနေပဲ ဖွင့်လို့ရပါတယ်။ ပြောင်းလဲဖို့ အချိန်ကလည်း နည်းသထက်နည်းလာနေပါပြီ။ ၂၀၂၅ မှာ သဘောထားအသစ်တွေ မပြောင်းရင် ဘာမှ အပြောင်းအလဲရှိမှာ မဟုတ်ပါဘူး။ ပိုကောင်းတဲ့ ဖခင်တွေ၊ ပိုကောင်းတဲ့ ခင်ပွန်းတွေ၊ ပိုကောင်းတဲ့ ဇနီးတွေ၊ ပိုကောင်းတဲ့ မိခင်တွေ၊ ပိုကောင်းတဲ့ သားသမီးတွေ၊ ပိုကောင်းတဲ့ မိတ်ဆွေတွေ၊ ပိုကောင်းတဲ့ လုပ်ဖော်ကိုင်ဖက်တွေ ဖြစ်ကြပါစေ။ အတိတ်က အမှားတွေကို ထပ်မံ မကျူးလွန်ကြရအောင်လား။ ၂၀၂၅ မှာ လင်းယုန်တွေ ဖြစ်ကြပါစို့။ 🦅🦅🦅🦅🦅🦅🦅🦅 LET'S BE EAGLES 🦅 IN 2025 !🦅🦅🦅🦅🦅🦅🦅🦅 #မေတ္တာဖြင့် #ဒေါက်တာစိုးသန်း #TIKTOK #foryou #ဘဲလား🦆 #လင်းယုန်🦅လား #2025 #

Phoe Zaw

Open In TikTok:

Region: MM

Saturday 04 January 2025 00:03:50 GMT