@ahmedhaaddi32: 18/7/2016 Waa maalinta uu shahaadada qaatay mujaahid Sheekh Deeq. Sheekh Deeq wuxuu ahaa caalim, geesi, mayal adag, gobannimo-doon ah. Waxay sheegaan dadkii u dhawaa inuu ahaa mid maalin walba Qur’aanka dhameeyo. Mar la waydiiyay, “Kumaa walaalka ah?” wuxuu ku jawaabay: “Midka ila mabda’ ah ee aanan ogolayn inuu gunimo ku noolaado.” Wuxuu ahaa nin rageed ay magaciisa xifdiyeen xabashidu. Wuxuu ahaa geesi aan ku qancin wixii aanan u qalmin. Wuxuu ahaa hogaankii gaashaan-dhiga ciidamadii gobannimo u dirirka. Waxaa lagu xasuustaa deeqsinimo, af-gaabni, iyo xishood badni. Haddaba, waxaas oo wanaag ah ninkii idlaystay, haddii aan ku idhaahdo maydkiisa waxaa ku dul dhaanteeyay labaatan-jiradii uu u dhintay. Waxaa sidoo kale sawirkiisa intuu cagta saaray isku sawiray 40-jir noloshaba ka aaminsan koob khamri ah iyo in loo niikiyo nin aad isku fil tihiin. Mar la weydiiyay maleeshiyaadka ay ka abuurayso Itoobiya gudaha dalka Ogadenia, wuxuu yidhi sheekhu: “Haddii aad dib u raacdaan taariikhda, waa caado gumeysi inuu beerto dadka aragtidiisa diidan, dad la sawir ah, yacni la luuqad ah. Dadkaas qaabka uu sheekhu u sawiray waxay ahaayeen dad madhan oo raaxo ka dayay ciqaabta dadkooda, cabudhinta, iyo caga-juglaynta ummadda, iyo han-jabinta da’yarta.” Sheekhu wuxuu intaa raaciyay in la xakamayn doono wax soo-saarka si loo keeno hay’ado iska dhigaya inay wax bixinayaan oo waxaaga kusiin doona. Waxaad xasuusataan mashruucii “magaalo-galka,” ee dadka la daadinayay nawaaxiga laamiga, iyadoo laga soo rarayay miyiga, halkaasna lagu siinayo shilimaad. Mashruucaas oo ilaa hadda socdo. Malla Alle waxa bixisa hay’adda PSNP. Sow ma xasuusataan weedhii Garaad Makhtal 1963 uu yidhi ee ahayd: “Wiilasheyda gumeysiga ugu xilanayo shilimaadkoow, waxa uu idin siinayo waa wixiini. Annagaana bixin karno, bixina doona, bari ka maalin. Ee yaan la gumoobin. Alla gobannimooy!” Ugu dambayn, Sheekh Deeq wuxuu dhintay isaga oo aan haysan mudnaantiisii uu ku lahaa dadkiisa, oo maydkiisa lagu kor dibiro dhacsanayo. Wuxuu dunida ka tegay isaga oo aan ka midho dhalinin hadafkiisii. Wixii uu inooga cabsanayayna waan ku dhacnay. Maanta, 30-jirka Soomaali Galbeed wuxuu ku qanacsan yahay $85 ama 10,000 birr oo uu ka badan soo saari karo. Taasuuna ku liqsan yahay gumeysiga dadkiisa. 60-jirkana wuxuu ku ladan yahay gogol caydheedka taalla gayigeenna. Bal ka warrama haddii uu wiil Oromo ah inoo sheeganayo inuu dhulkeenna barwaaqo ka dhigay oo uu garaadkeenni ugu sacab tumaya, labaatan-jirkeenana uu la muxibbaysan yahay, gabdhaheenni qiimaha lahaana ay qoraxda u taagan yihiin si ay ugu ciyaaraan oo ay u soo dhaweeyaan. Ugu dambayn, waxaan qalinka ku dhigayaa: Ilaahayow, aduunka waad nagu dabo-dheeraysay. Ama soo gunaanud ama sidan si,dhaanta. Mahadsanidiin.

Ahmed-hikmaawi.

Open In TikTok:

Region: ET

Tuesday 07 January 2025 07:18:42 GMT