@qaz365kz: «Болашақ» бағдарламасына «орыс тілінде акцентпен сөйлегенім үшін түсе алмадым» деп, шу шығарған Жасұлан Темірбаев жаңа мәлімдеме жасады. «Құрметті достар, мен бүгін «Болашақ» бағдарламасының басшылығымен кездестім. Көкейімде жүрген сұрақтарды бағдарламасының төрағасысы Әділ Миратұлына тікелей қойып, жауап алдым. Менің дау тудырған сұхбатымдағы ақпараттар бойынша зерттеулер жүргізілген. Комиссия мүшелеріне баға берілді. Сол зерттеулердің қорытындысы бойынша, бір-бірімізге ешқандай арыз шағымдарымыз, реніштеріміз жоқ. Ең басты сұрақ тіл және мамандық бойынша дискриминация Болашақ бағдарламасында жоқ. Бағдарламаның төрағасы комиссия мүшелерімен болашақта да жұмыс жүргізілетіні туралы айтылды», - дейді ол. Видеоүндеуде ол «менің ескертулерім ескерілді» деді. «Бұл жерде айта кетерлігі, менің де тарапымнан айтылған сөздердің кей жерлері артық болған шығар. Ол үшін кешірім сұраймын. Сонымен бұл мәселе жабылды. Болашақ бағдарламасының төрағасысымен бір ортақ шешімге келдік. Алдағы уақытта мен тағы да бағымды сынап көрермін. Өйткені бұл бағдарлама мен алдында айтқанымдай әр мамандық иесіне шетелде оқып келіп, білімін жетілдіруге, елімізге пайдасын тигізуге мүмкіндік беретін бағдарламаның бірі. Оқиық! Дамиық! Еліміз үшін бірге пайда тигізетін маман болайық», - дейді ол.

Qaz365.kz | Новости Казахстана

Open In TikTok:

Region: KZ

Thursday 09 January 2025 09:05:27 GMT