Қаланың әлеуметтік және инфрақұрылымдық даму нысандарын тексеру барысында Абай ауданында орналасқан “Хадиша” медициналық орталығының жұмысымен танысты. Биылдан бастап бұл орталықта халыққа шұғыл және жоспарлы медициналық көмек көрсетіле бастады. Көпсалалы клиника заманауи құрал-жабдықтармен қамтылған және орталыққа жақын маңдағы 18 емхана бекітілген. Медициналық мекемелерде 400 мыңнан астам тұрғын тіркелген. Бұл халыққа кең көлемді медициналық қызметтерді алуға мүмкіндік береді. Клиника басшылығына дәрігерлердің біліктілігін тұрақты түрде арттырып отырудың және сапалы медициналық көмек көрсетудің маңыздылығы атап өтілді. Сонымен қатар “Нұршуақ” шағынауданында салынған №149 жалпы орта мектептің оқу үдерісін ұйымдастыру барысы тексерілді. 2000 орынға лайықталған бұл жайлы мектеп Жаңа жыл қарсаңында ашылған еді. Тексеру барысында жауапты тұлғаларға мектептегі тамақтану сапасын және санитарлық-эпидемиологиялық талаптардың сақталуын бақылау жұмысын күшейту тапсырылды. Бұдан бөлек Тұран ауданындағы “Business Kids-Ucmas” халықаралық балалар академиясының жұмысымен танысты. Бұл оқу орнында балаларға ерте жастан кәсіпкерлік негіздері мен бағдарламалау сабақтары үйретіледі, сондай-ақ жеке түзету-педагогикалық оңалту жүргізіледі. Білім басқармасының басшылығына осы мекемеге мемлекеттік қолдау шаралары аясында көмек көрсету мүмкіндігін қарастыру тапсырылды. Сондай-ақ, «Орталық су-спорт кешені» МКҚК ғимаратының қазіргі жай-күйі қаралды. Компания өз міндеттемелерін тиісті деңгейде орындамағандықтан, бұл нысан өткен жылдың соңында коммуналдық меншікке қайтарылған болатын. Дене шынықтыру және спорт басқармасына биыл кешенді күрделі жөндеуден өткізу туралы тапсырма берілді. Керімше көшесін Қазиев көшесінен Рысқұлбеков көшесіне дейін ұзарту жобасымен, “AVENUE-32” көпқабатты тұрғын үй кешенінің құрылысы барысымен және Жандосов көшесін Қонаев даңғылынан Шаймерденов көшесіне дейін қосу жобасымен танысты. Бұл жобалар көлік қозғалысын жеңілдетуге мүмкіндік береді - @life_shymkent17