#🙏သမ္ဗုဒ္ဓေဂါထာတော် ပူဇော်နည်း🙏 နံနက် မိုးသောက်အခါ ကိုယ်လက် သန့်စင်ပြီး သမ္ဗုဒ္ဓေဂါထာတော်အား (၉) ခေါက်ပူဇော်ပါ။ ညဘက် အိပ်ရာ မဝင်ခင် ကိုယ်လက် သန့်စင်ပြီ သမ္ဗုဒ္ဓေဂါထာတော်အား (၉) ခေါက် ပူဇော်ပါ။ ဤကဲ့သို့ နေ့စဉ် ရက်မပျက်စေဘဲ ကျင့်ဆောင် သွားပါလျှင် ပြောတိုင်း ဆိုတိုင်းအောင်မြင်စေ၏။ ဘေးရန်အန္တရာယ် ကင်းဝေးစေ၏။ သမ္မာဒေဝနတ်များ၊ လောကပါလ နတ်ဒေဝါများ အမြဲ စောင့်ရှောက်ရ၏။ ဩဇာအာဏာ တည်စေ၏။ တစ်ပါးသူတို့က မိမိအား မကောင်းကြံနိုင် ဘေးဘယာ၊ ရောဂါအနာများ ကင်းပျောက်ရ၏။ အန္တရာယ် ရန်စွယ် အတိုက်အခံ ကင်းဝေးလိုပါက... သမ္ဗုဒ္ဓေဂါထာတော်အား နံနက် = သက်စေ့ ည = သက်စေ့ ပူဇော်ပါဟု ဆရာတို့ မိန့်ဆို၏။ အမှောင်ပယော၊ စုန်း၊ ကဝေ၊ နတ်မိစ္ဆာ၊ တစ္ဆေ၊ မြေဘုတ်၊ သူတစ်ပါး ပြုစား ခြင်းတို့မှ ကင်းဝေး ပပျောက်စေလိုပါက ည (၂၇) ခေါက် နံနက် (၂၇) ခေါက် ရွတ်ဆိုပူဇော်ရမည်ဟု ဆရာတို့ မိန့်ဆို၏။ လောကီကိစ္စ ကောင်းကျိုးချမ်းသာ မင်္ဂလာသုခနှင့် ပြည့်စုံလိုပါက... သမ္ဗုဒ္ဓေဂါထာတော်အား နံနက် ( ၅၄ )ခေါက် ( ၅၄ ) ခေါက် ရွတ်ဆိုပူဇော်ပါဟု ဆရာတို့ မိန့်ဆို၏။ အနာရောဂါများ ကင်းပျောက် ချမ်းသာလိုပါက ... နေ့စဉ် နံနက် အရုဏ်တက်တိုင်း သမ္ဗုဒ္ဓေဂါထာတော်အား ( ၁၀၈ ) ခေါက် ရွတ်ဆိုပူဇော်ပါဟု ဆရာတို့ မိန့်ဆို၏။ ဝိဇ္ဇာမဟိဒ္ဓိ ၊ သိဒ္ဓိတန်ခိုး စွမ်းအားမျိူးကို အလိုရှိပါက သမ္ဗုဒ္ဓေဂါထာတော်အား နေ့စဉ် (၁၀၀၀ ) ၊ ရွတ်အား ဆောင်၍ ၊ အာခေါင်သိဒ္ဓိ၊ မဟိဒ္ဓိသည် ဇမ္ဗူတစ်ခွင်၊ ကျော်စောထင်လိမ့်မည်ဟု ဆရာတို့ မိန့်ဆိုလေ၏။ အဓိဋ္ဌာန်ကို ၉ - ရက် ၁၈- ရက် ၂၇ - ရက် ၃၆ - ရက် ၄၅ - ရက် ၅၄ -ရက် စသည် အဓိဋ္ဌာန်ဝင်၍ နေ့စဉ် ( ၁၀၀၀ ) ရွတ်ဆိုပူဇော်ရမည်။ "သမ္ဗုဒ္ဓေဂါထာတော် သမိုင်းကြောင်း" " သမ္ဗုဒ္ဓေဂါထာတော် " သည် ညောင်းရမ်းမင်း (၇) ဆက်မြောက် ရမည်းသင်းမင်း မင်းရဲကျော်ထင်ဘုရင် လက်ထက်တွင် အရှင်ဓမ္မာနန္ဒမထေရ်စီရင် ရေးသားတော်မူသည့် " တထာဂတုပ္ပတ္တိ ကျမ်း"၏ ပဏာမဂါထာတော် ဖြစ်ကြောင်းသိရသည်။ ထို တထာဂတုပ္ပတ္တိကျမ်းကို တိုင်းပြည် စစ်ရေး ငြိမ်သက်ချိန်ကာလ၌ ရေးသား စီရင်တော်မူသည်။ "တထာဂတုပ္ပတ္တိကျမ်း"သည်&၅သိန်း၊ ၁သောင်း၊၂ထောင်၊၂ကျိပ်၊ ၈ဆူကုန်သော ဘုရားရှင်တို့၏" အတ္ထုပ္ပတ္တိ " ကို ပြဆိုတော်မူ၏။ ``သမ္ဗုဒ္ဓေဂါထာတော် ******************* ၁။ သမ္ဗုဒ္ဓေ အဋ္ဌဝီသဉ္စ ဒှါ ဒသ သဟဿကေ ပဉ္စသတ သဟဿာနိ နမာမိ သိရသာ မဟံ။ ၂။ အပ္ပကာ ဝါဠုကာ ဂင်္ဂါ အနန္တာ နိဗ္ဗူတာ ဇိနာ တေသံ ဓမ္မဉ္စ သံဃဉ္စ အာဒရေန နမာ မဟံ ။ ၃။ နမက္ကာရာ နုဘာဝနေ ဟိတွာ သဗ္ဗေ ဥပဒ္ဒဝေ အနေက အန္တရာယာပိ ဝိနဿန္တု အသေသတော ။ ( တထာဂတုပ္ပတ္တိ ၊ နှာ. ၂၅ ) အနက် + မြန်မာပြန် ------------------------ အဋ္ဌဝီသံ = ၂ ကျိပ်၊ ၈ဆူကုန်သော၊ သမ္ဗုဒ္ဓေစ = ရှင်တော်ဘုရားတို့ကို လည်းကောင်း၊ ဒွါဒသဉ္စ သဟဿကေ = ၁ သောင်း၊ ၂ထောင်ကုန်သော၊ သမ္ဗုဒ္ဓေစ = ရှင်တော်ဘုရားတို့ကို လည်းကောင်း၊ ပဉ္စသတ သဟဿာနိ = ၅သိန်းကုန်သော၊ သမ္ဗုဒ္ဓေစ = ရှင်တော်ဘုရား တို့ကို လည်းကောင်း၊ အဟံ = ငါသည်၊ သိရသာ = ဦးခေါင်းဖြင့်၊ နမာမိ = ရှိခိုးပါ၏။ ဝါဠုကာ ဂင်္ဂါ = ဂင်္ဂါမြစ်ထဲ ကျောက်သလဲတို့သည်၊ အပ္ပကာ = နည်းလှချေသေး၏။ နိဗ္ဗူတာ ဇိနာ = ပရိနိဗ္ဗာန် စံလွန်ကုန်ပြီး သော ဘုရားတို့သည်သာ၊ အနန္တာ = မရေတွက်နိုင်အောင် များလှလေကုန်ပြီ။ တေ = ထို ဂင်္ဂါဝါဠု သဲစု မက ပရိနိဗ္ဗာန်စံလွန်တော် မူကြသော ဘုရားရှင်တို့ကို လည်းကောင်း၊ တေသံ = ထို ဘုရားရှင် အဆူဆူ တို့၏။ ဓမ္မဉ္စ = တရားတော်ကို လည်းကောင်း၊ သံဃဉ္စ = သံဃာတော်ကိုလည်းကောင်း၊ အဟံ = ငါသည်၊ အာဒရေန = ရိုသေသဖြင့်၊ နမာမိ = ရှိခိုးပါ၏။ နမက္ကာရာနုဘာဝေန = ရှိခိုးရသော စတနော၏ အာနုဘော်ကြောင့်၊ သဗ္ဗေ = ခပ်သိမ်းကုန်သော၊ ဥပဒ္ဒဝေ= ဘေးရန် ဥပါဒ် အန္တရာယ် တို့ကို၊ ဟိတွာ = ပယ်ဖြတ်၍၊ အနေကအန္တရာယာပိ = အန္တရာယ် အမျိုး မျိုးတို့သည်လည်း၊ အသေသတော = အကြွင်းအကျန် မရှိသောအားဖြင့်၊ ဝိနဿန္တု = ကင်းစင် လွင့်ပျောက် ပါစေကုန်သတည်း။ ကောင်းမှုတစ်ခုနေ့စဉ်ပြုပါ ထပ်ဆင့်ဓမ္မဒါနဖြင့်ပြန်လည်မျှဝေပါသည်။🙏🙏🙏#Credit to original uploader&photo 🙏🙏🙏 - @nanyinyin77