@dr_strawberry27: طاجين الشواء. من ألذ الأطباق الجزائرية القسنطينية. هيا تحضروه معايا بطريقة بسيطة.و جربوه في رمضان ان شاءالله كفكرة للطبق الثاني. انا استعملت مكونات قليلة لشخصين، نتوما اذا عندكم عرضة ولا أفراد أكثر، أكيد استعملو كميات أكبر. في طنجرة (ولا الكوكوت كيما درت انا) نحط قطع الدجاج و اللحم. نزيد البصل، الثوم المرحي، التوابل : ملح، فلفل اسود و كسبر. كمية من الزيت و السمن تاني اذا حبيتو. و نقلي كلش مع بعضاه (هاذي هي طريقتي انا) نخلي كلش يتقلا جيدا لأطول مدة ممكنة و نمرق بماء ساخن (انا ندير المرقة بكمية معتبرة، نحب نخبيها و ندير بيها طاجين آخر في اليوم الموالي. عصفورين بحجر 😂) نغلق عليها و نخليها تطيب . من جهة اخرى نحضر اللحم المفروم تاعي، زدتلو المعدنوس، ثوم، ، شابلور، شوية بيض، ملح و فلفل اسود و كسبر و بابريكا. نشكلهم بشكل طولي كيما الفيديو و نرمدهم في الفرينة و نحمرهم في المقلاة. و نرميهم في المرقة بعد ما يطيب اللحم و نخليها تغلي شوية. نخلي كريات اللحم المفروم تطيب في المرقة. و نجي نحمر الدجاج و اللحم في مقلاة فيها زيت و زبدة. نقدم الطبق تاعي و نزينو بشرائح الليمون و المعدنوس. . . . . . #طاجين_الشواء_القسنطيني #طاجين_الشوا #طاجين_الشواء #طاجين_الحلو_الجزائري #طاجين_الزيتون #طاجين #طبخ_جزائري #كسرة #سلطة #شربة #شوربة #شوربة_فريك #شربة_فريك #cuisine_algerienne #جزائرية_وافتخر #رمضان #RamadanCookingRecipes #وصفات_رمضانية #اللهم_بلغنا_رمضان #رمضان_كريم #رمضان_يجمعنا #ramadanhighlights

🇩🇿dr_strawberry🇩🇿

Open In TikTok:

Region: DZ

Wednesday 15 January 2025 12:43:04 GMT