القصه بدت بثاني متوسط لما نقلوني فصلنا ، نقلوني فصلها لان السنه الي قبلها ماخليت مشكله ماسويتها و 24 ساعه بالأدارة ونقلوني من خوياتي القديمات عشان اعقل بالبداية زعلت بس ارتحت شوي لان صديقتي الي من 8 سنين موجوده بهالفصل وعندها خويات هناك، من هنا تبدا القصه اول يوم داومته وشفتها اااخ ياذيك اللحظه كنت بحالة اعجاب مو طبيعيه لدرجة ان من اول يوم حجزت لها اماكن جنبي انتوا مستوعبين ؟ ، كنت مره مره متلهفه عالقعده معها مع اني بالبدايه مره كنت مستحيه اقعد معهم وانادي خويتي القديمه عشان هي الوحيده الي امون عليها بس من يوم شفتها كل شي تغير صرت انا الي انادي خويتي عشان تقعد معنا ، هذاك الوقت كنت جريئه جريئه مره حتى في ثالث اسبوع داومنا انا غبت وما علمت احد اني بغيب وطلع حتى هي غايبه وثاني يوم داومت بعد ما غبت قالولي ان انتي ونوف غبتوا وقلت شكلها ما تقدر بدوني واستشعرت اني بغيب وجلست تضحك ااااخ ياضحكتها خلت كل شي حولي اجمل ، هذاك الوقت ماكان عندها لا حساب بالتيك توك ولا حساب بالانستا بس سناب وابلشتها لين سوت حسابات عشاني اخ يا فرحتي ذاك الوقت ضفتها من كل مكان وصرت اسولف معها ليل نهار ما اخليلها مجال ابدًا ، ومن زود جرائتي ذاك الوقت كان عندنا حصة فراغ وقعدنا بالزاويه عالأرض كلنا ونسولف وانا كل تركيزي فيها وهي ما تسولف ابد بس ساكته وتسمع البنات ومع ذلك كل تركيزي عليها والأستاذه الي عندنا طول الوقت تطل علينا عشاننا مزعجين واول ما طلعت الأستاذه ما ادري ليه طبقت الفكره الي براسي بس نطيت عليها ههههههههه ما اخفيكم ان هاللحظه حسستني ان الدنيا موقفه على رجل ولا ردة فعلها ياخي احبها احبها ، في مره داومت فيها ببلوفر اسود ما اوصفلكم شعوري ذاك اليوم من كثر ما ان شكلها كان جميل ومُلفت بالنسبة لي كتبت لخويتي القديمه بورقه شكل نوف اليوم يجنن ، شكلها بالبلوفر الاسود يعطيها مظهر بسيط لكن فيه جاذبيه ماتوووووصف ، جت اجازة الترم الأول ووقتها رحنا لبيت جدتي وقعدت اسولف مع بنت خالتي بغرفة خالتي الصغيرة ، وألمح بلوفر نفس بلوفرها يوم شميته ااهخ ريحته مشابهه لريحتها اخ وقتها جاني شوق لها والمشكله ان قبل كم يوم شايفتها ، ريحته خليط بين عطرها المميز وريحة دفء الي تكون معها دايم ،كنت مشتااااقه لها لدرجة اني سرقت البلوفر وما انام الا وهو جنبي وكنت كل ما ابي انام ارسل لها اني احبها مره واشتقت لها وبعدها احذف ، وكنت طول الوقت ارسل لها فيديوهات بالتيك توك كلها حب لين مره من المرات ارسلت لي فيديو مشابه للفيديوهات الي ارسلها لها يوميًا انا هنا انصدمت ، للحظه توقف العالم حولي وقلبي ينبض بسرعه وحسيت بدفء يشبه موجه لطيفه تغمرني من راسي لين اخمص قدمي ، ومن هنا عرفت انها تبادلني نفس الشعور ااااهخ ياذيك الأيام اذكر كانت تحب التلامس الي يكون بغير قصد ودايم اسوي فيها هالحركه اني المسها بدون ماتحس وكأني مو قاصده بس انا متلهفه على تلامس بسيط يصير بيننا ، اذكر كنا نسولف عن اننا ولا مره حضننا بعض وانا استحيت فا قلت لها تعالي انتي احضنيني وضحكت لاني اعرف انها خجوله مو بسهوله بتجي تحضني، اليوم الي بعده بالطلعه عند الباصات كنت اسولف مع صديقتي القديمة واقولها عن نوف والاشياء الي ترسلها واني مره مبسوطه معها نقلت لها عن اني ابي احضنها واني قلت لها تعالي احضنيني ، الا فجاه يوم وصلت عند باصي الاقيها تنتظرني عشان تحضنني🥹🥹🥹 اخ لطافتها مستحيله واتذكر ان خويتي القديمه قالت كيف قدرتي تخلين نوف تحبك هالبنت جافه جافه مره ما تعرف عن الحب شي اذكر يوم رجعت للبيت قعدت ابكي من الوناسه كيف في احد بهاللطافه ؟ يعني انتي جافه وحبيتيني كيف كذا انتي مره كيوت ،استلطف واعشق واحب واموت على هالأنسانه يارببب يارببب انك تديم لي الانسانه الي حولتني حرفيًا شخص ثاني وزي ماقلت لكم بالبدايه اني كنت 24 ساعه بالادره من بعد ما دخلت حياتي وانا هاجده ها جده وكلن ملاحظ علي بالاخير ابي اقول اني احبها واعشقها ولو رجع فيني الزمن بحبها اضعاف اضعاف حبي لها#fyp #fyp #fyp #Love - @caiopll