#أبو جبار يگول : يوم من الأيام الأسد گل لزوجته : احنه لازم يصير عدنه ولد حتى يحافظ على الغابة ويصير الملك من بعدي, وبعد فترة من الانتظار والصبر جابت زوجة الاسد, لكن الغريب بالأمر ان المولود الصغير طلع لونه مخطط ويشبه النمر; الأسد استغرب ودخل ابگلبه الشك وسأل زوجته گللهه : شو هذا ابنّه يشبه النمر, گلتله : احترم نفسك ولا يروح بالك بعيد ترى شرفي خط أحمر. سكت الاسد وگال : خلي انتظر موسم التزاوج القادم بلكي يصير عندي ولد يشبهني. وبالفعل حبلت زوجته وجابت مولود والامر العجيب هذا المولود طلع منقط ويشبه الفهد الأسد عاين على زوجته... گلتله : شوف كلشي ولا تتهمني بالخيانة ترى أحيلك للنزاهة حتى تاخذ جزاءك. المهم گال :راح انتظر للموسم القادم واجت ايام وراحت ايام. ويوم من الأيام الاسد طلع للغابة وبنص الطريق تذكر أنه من طلع ما باس زوجته فرجع للبيت والكارثه الچبيره أنه لما وصل لگه المطي عنده بالبيت گله : ها ولك شتسوي آبيتي ؟ المطي گاله : يا حضرة الملك لا يروح بالك بعيد ترى آنه والنمر والفهد مشتركين بسلفة ويه مرتك واليوم جيت أسدد السلفة. الأسد صارن عيونه بگصته وراح الزوجته وگللهه : ولچ تسوون سلفة أنتي و النمر والفهد والمطي وما تسجلون اسمي وياكم ؟؟؟ آنه زعلان عليچ . گلتله : لاتزعل حبيبي ترى اذا زعلت انه راح اضوج واذا ضجت احتمال البيبي اللي ابطني يطلع يشبه المطي. *** ابو جبار يگول : هاي الغابة شلون راح يصير براسهه خير اذا يحكمها هيچ أسد ؟!وليمته مرته راح تجيب أسد أخو اخيته ويحافظ على الغابة . ** كَضت سنين عمرنه كلها بين ابكَع ومنقط . معقوله سنة2025 يجينه اسد ويحافظنه على البلد . لو هم مطي ( اجلكم الله ) ونضيع احنه والبلد - @abbnj5