@abdallahhesham24: من كام سنة جبت مجموع ثانوية عامة اللي يدخلني هندسة القاهرة و كنت فاكر ان المذاكرة خلصت و خلاص بقيت مهندس و مبقتش فارقة ذاكرت او مذاكرتش. بس بعد لما عدي اول ترم و لقيت نفسي جيبت مجموع مش كويس و اهلي زعلوا مني حسيت اني لازم اذاكر عشان علي الاقل افرح اهلي. و فضلت خمس سنين اذاكر و كنت بطلع من الاوائل. اه انا حابب الهندسة بس فعلا كنت في حاجة كنت بذاكرها صعبة و كنت حاسس ان ملهاش لازمة و ان عدم وجدها مش هيفرق و دي من الحاجات اللي كانت بتدايقني (بس ديما كان في بالي ان المذاكرة وسيلة مش هدف) و عدت الايام و اتخرجت من الكليه و طلعت السادس علي الدفعة و انا في اوقات كتير جدا كنت حاسس اني مذاكرتي دي ملهاش لازمة و انها علي الفاضي و مش هتفرق. بس الحمد لله بسبب مذاكرتي اشتغلت علي طول في شركة كويسة و مرتب كويس. و بعد ما اشتغلت برضو اتضطريت اني اذاكر عشان اكون مهندس ناجح و كان برضو في حاجات في الشغل كنت حاسس انها مش هتفيدني كمهندس بس برضو كنت بعملها. و بسبب شغلي الكويس اللي جالي بسبب مذاكرتي عرفت اجهز اني اسافر لالمانيا و عرفت اصرف علي كورسات كتير عشان اطور من لغتي سواء انجليزي او الماني. انا الحمد لله دلوقتي في المانيا بعمل ماستر و برضو بذاكر و برضو في حاجات حاسس ان ملهاش لازمة 😂 بس خلاص اتعلمت ان مش لازم كل حاجة اذاكرها استفاد منها و ان المذاكرة ماهي الا وسيلة توصلني لهدفي سواء اني ابقي مهندس ناجح او ان ابقي content creator. لان في الحقيقة انا مكنتش هبقي content creator من غير المذاكرة لاني مكنتش هعرف اسافر المانيا و محدش كان هيسمع لاي كلمة انا هقولها. الخلاصة مهما كان مجالك او هدفك فانت هتحتاج تذاكر و تشتغل علي نفسك طول العمر حتي content creators بيذاكروا و بيتعلموا و بيطوروا نفسهم عشان يبقوا احسن (اول فديو نزلته لو شوفته هتتقرف منه😂) فذاكر و سيبها علي ربنا و عمر مجهودك دا ما هيروح علي الفاضي💪🏻 #abdallahhesham24 #المانيا🇩🇪 #germany🇩🇪 #deutschland #صانع_محتوى

Abdallah Hesham🇩🇪🇪🇬

Open In TikTok:

Region: DE

Saturday 18 January 2025 16:36:15 GMT