"သမာဓိ မြန်မြန်တက်တဲ့နည်း" ▬▬▬▬▬▬▬▬▬▬▬ . တရားထိုင်တဲ့အခါ သမာဓိ မြန်မြန်တက်တဲ့နည်းလေး မသိသေးတဲ့သူတွေအတွက်ပါ။ ဝင်လေ ထွက်လေကို သေချာစောင့် ဖမ်းနေရပါတယ်။ ကိုယ်ခန္ဓာက ယားတယ်ဆိုလည်း ယားတဲ့ပေါ် ဖြစ်ပျက် မမှတ်ဘဲ အာရုံက နှာသီးဖျားပေါ်မှာ ရှိနေပေးပါ။ ဥပမာ- သီချင်းသံတွေ ဘယ်လောက်ဆူညံပါစေ အာရုံက တစ်ခြားနေရာရောက်နေတဲ့သူတွေအနေနဲ့ ဘာစာသားတွေ ဆိုသွားတယ်ဆိုတာတွေ ကျယ်လောင်နေတာပဲ ဆိုတာတွေ မသိနိုင်သလိုပါဘဲ။ တကယ် တရားထိုင်တဲ့အခါမှာ လူတော်တော်များများက ဘာကို ဘယ်လို ထိုင်ရမယ်ဆိုတာ မသိကြပါဘူး။ နားလည်သူတွေကို မေးမြန်းကြတာတွေလည်း နည်းပါတယ်။ ကြာကြာထိုင်ပေမယ့် သမာဓိမတက်။ ဒုံရင်းက ဒုံရင်းဖြစ်နေကြတာ။ မထိုင်တတ်ကြလို့ပါ။ နှာသီးဝမှာ ထားတယ်ဆိုရာမှာ ခုမှ စလုံးရေ စတဲ့ သူတွေအနေနဲ့ ပြဿနာ တစ်ရပ်က အတွေးလေးတွေ ဝင်လာတာပါပဲ။ အတွေးတွေ မဝင်ရဘူးလို့ ပြောလို့ မရပါဘူး။ ဒါပေမယ့် သတိကပ်လိုက်တဲ့အခါ အတွေးကို ဖျက်လိုက်ပါ။ ငါ အတွေးဝင်သွားပါလားဆိုတဲ့အတွေးနဲ့အပြိုင် ငါတရားထိုင်နေပါလားဆိုတာ သိပါ။ ပြီးရင် နှာသီးဖျားမှာ ဆက်ထားပါ။ အတွေးပေါ်မှာ ဖြစ်ပျက်လေး ဖြစ်သွားပါလား ဆိုတဲ့ဟာလေး နှလုံးသွင်းနိုင်ရင် ပိုကောင်းပါတယ်။ တရားနိမိတ်တွေ ပေါ်လာရင်လည်း ထူးဆန်းအံ့သြမှုတွေထဲမှာ မျောပါမသွားဘဲ ငါ တရားထိုင်နေတယ်ဆိုတဲ့ အတွေးလေးနဲ့ ဖြတ်ပစ်ရပါမယ်။ ဒီနေရာမှာ သမထနဲ့ ဝိပဿနာ ခွဲဖို့ လိုပါလိမ့်မယ်။ သမာဓိ ထူထောင်တဲ့အထိက သမထနည်းနဲ့ အတူတူပါပဲ။ သမာဓိ အားကောင်းလာပြီဆို အာရုံထူး နိမိတ်ထူး ခံစားချက်ထူးတွေနဲ့ တွေ့လာတဲ့အခါမှာ သမထက အာရုံတွေပေါ်မှာ နှစ်သက် မျောပါသွားပါတယ်။ ဝိပဿနာက ဘာအာရုံတွေပဲလာလာ အပျက်ဆိုတဲ့ ဘက်ကို ရှေ့ရှုရမှာပါ။ ပျော်ဝင်မသွားရပါဘူး။ အနတ္တမှာ လမ်းဆုံးမှ ဝိပဿနာပါ။ ဒီနည်းလေးက တန်ဖိုးသိတဲ့သူတွေအတွက် အရမ်းအသုံးဝင်ပါလိမ့်မယ်။ ဒီနည်းလမ်းလေးကို ရှေးကျမ်းစာတစ်အုပ်ထဲမှာ ဖတ်ရတာပါ။ ဖြတ်လမ်းနည်းလေးပါ။ ဖားအောက်တောရဆရာတော်ဘုရားကြီး🙏🙏🙏🙏🙏 Credit >>> #မူရင်း ဓမ္မဒါန🙏ပြန်လည်မျှဝေကုသိုလ်ပြုပါသည်🙏🙏🙏#ကျန်းမာချမ်းသာကြပါစေ🙏🙏🙏 - @buddhasteaching6