@yuoss818: ماينسي حبً على ساس مبناه لو حاولو عذالته يخلفونه حبً ورا. عوج المحاني زرعناه في وسط قلبً بالموده يصونه وعليه في وسط الضماير مراعاه من كيد ناسً ودهم يقطعونه وانا اللذي فالقلب سوا سواياه واخلف نوي القلب واكثر شطونه زولً على غيره تفوق حلاياه واهل الهوأ من عرفهم يفرقونه عين اشقرً من يم الاهواز مجناه حرً كمل وهل القنص يبخصونه والخد براقً شعأ القلب مسراه سيله مدورت المطر يذكرونه والعنق عنق. مذيرً من مضحاه. طرادته من كل ديره يجونه والصدر مخبينً عن الحر ماجاه عن لاهب الجوزا. تذري قرونه غرونً زرع حبه بقلبي وغذاه وصله تورق بالضماير غصونه وشلون يالعذال تبغاني انساه لو البحر والبر والحد دونه ماينسي حبه وذكره وطرياه وقلبً قسم له بالعهد مايخونه يبقى غلاه بداخل الصدر ورفاه ومنزهن فالقلب ما يقربونه كلمات ./ حمود بن معدي العضياني العتيبي ويعذرني ع القصور @برق الحيا #ربابه #اكسبلور

يوسف البلوي

Open In TikTok:

Region: SA

Thursday 23 January 2025 19:01:02 GMT