@arqument.tv: Yanvarın 24-də "Meydan TV"nin əməkdaşı Aysel Umudovanın həbsinin ev dustaqlığı ilə əvəzlənməsinə dair vəsatətə baxılıb. Xətai Rayon Məhkəməsində hakim Aygün Həsənovanın sədrliyi ilə keçirilən prosesdə jurnalistin vəsatəti təmin edilməyib. Bu barədə Aysel Umudovanın vəkili Aqil Layıc məlumat verib. Müdafiə tərəfi jurnalistin özünün iştirakıyla keçirilən prosesdə Aysel Umudovanın həbsdə saxlanılması üçün hüquqi əsasın olmadığını vurğulayıblar. Vəkilin sözlərinə görə, Aysel Umudova bildirib ki, o, istintaqa cəlb olunduğunu bilərək dəfələrlə ölkədən gedib və geri qayıdıb. “Dedi ki, heç vaxt istintaqdan yayınmayıb, şahidlərə təsir etməyə çalışmayıb, istintaqın gedişatına mane olmayıb. Buna görə də həbsdə saxlanılmasını əsassız hesab edir və həbsini birbaşa jurnalistika fəaliyyəti ilə bağlayır", – deyə Aqil Layıc əlavə edib. #media #arqumenttv #azerbaijan #freedom #repression

Arqument TV

Open In TikTok:

Region: AZ

Friday 24 January 2025 19:31:45 GMT