@love1111113380: ကျောက်မဲမြို့ဆေးရုံကို စစ်ကောင်စီက လေကြောင်းတိုက်ခိုက်ရာ နှစ်ဦးသေဆုံး၊ လူနာတွေအပါအဝင် ၂၀ထက်မနည်း ဒဏ်ရာရ ဇန်နဝါရီလ ၂၅ ရက် ကျောက်မဲမြို့ဆေးရုံကို စစ်ကောင်စီက လေကြောင်းကနေ ဗုံးကြဲတိုက်ခိုက်တာကြောင့် ကျန်းမာရေးဝန်ထမ်းတစ်ဦးအပါအဝင် နှစ်ဦးသေဆုံးပြီး လူနာအများစုပါဝင်တဲ့ ၂၀ဦးထက်မနည်း ဒဏ်ရာရခဲ့ပါတယ်။ ဒီကနေ့ ဇန်နဝါရီ၂၅ရက် နေ့လယ် ၁နာရီ၂၅ မိနစ်နဲ့ ၁နာရီ ၂၉မိနစ်မှာ စစ်ကောင်စီက ဂျက်ဖိုက်တာနဲ့ ဗုံးကြဲခဲ့တာ ဖြစ်ပါတယ်။ " ဆေးရုံက အရပ်သား‌တွေတက်နေတာပါ။ TNLA ကျန်းမာရေးဝန်ထမ်းတွေက ဆေးကုပေးနေတာပါ။ အခုသေဆုံးတဲ့အထဲမှာ ကျန်းမာရေးဝန်ထမ်းတစ်ယောက်ပါတယ်လို့ သိရတယ်။ ဒဏ်ရာရတဲ့သူတွေလည်းများပါတယ်။ အခြေအနေက စိတ်ပူစရာဖြစ်တယ်"လို့ ဒေသခံတစ်ဦးက ပြောပါတယ်။ ကျောက်မဲမြို့နယ်မှာ စစ်ကောင်စီက ဂျက်ဖိုက်တာဖြင့် (၂)ကြိမ် ဗုံးကြဲချတိုက်ခိုက်ခဲ့တာလို့ တအောင်းအမျိုးသားလွတ်မြောက်ရေးတပ်မတော် TNLAက ကနဦးသတင်းထုတ်ပြန်ထားပြီး နောက်ဆက်တွဲအခြေအနေကိုထပ်မံထုတ်ပြန်မယ်လို့ ဆိုပါတယ်။ အဆက် - ⤵️⤵️