@lalahasansoy7: Ətrafımdakı qadınların və müştərilərimin heyatlarını dinlədikdən sonra kişilərə müraciət etmək istəyirəm: Çox vaxt qadın sizə ürəyində olanları danışmaq istəyir. Bu mübahisə etmək, sizi günahlandırmaq və ya ittiham etmək məqsədini daşımır. Əksinə, qadın sadəcə: ♥️ Dinlənilmək ♥️ Lazımlı olmaq ♥️ Görülmək ♥️ Dəyərli olmaq ♥️ Sevilmək istəyir. O istəyir ki, siz söhbətdən qaçmadan, zarafata salmadan və onu susdurmadan sadəcə dinləyəsiniz. O istəyir ki, siz “Bəli, əgər səni bu narahat edirsə, deməli, münasibətlərimizdə nəsə düz getmir. Bunu birlikdə düzəltməliyik” deyəsiniz. Hər şeyi öz üzərinizə götürüb dərhal üzr istəmək mütləq deyil. Bəzən sadəcə bu sözlər yetərlidir: “Mən çox üzüldüm ki, sən özünü pis hiss edirsən, narahatsan. Sən mənim sevimli qadınımsan və sənin kədərin məni də incidir”. Əgər bu sözlər təkcə danışıqla bitməsə və münasibətləri yaxşılaşdırmaq üçün birgə addımlar atılsa, siz də bu vəziyyətdən qazanclı çıxacaqsınız. Çünki bu zaman qarşınızda xəyallarınızdakı qadın olacaq – nəvazişli, qayğıkeş, şən və ehtiraslı. Amma əgər siz qadına belə anlarda dəstək və anlayış göstərməsəniz — sevgi, qayğı və yaxınlıq barədə düşünməyiniz mənasızdır. Çünki qadının bütün daxili enerjisi çiçəklənməyə deyil, təkbaşına öz ağrısını yaşamağa sərf olunacaq. Onun həyatdan həzz almağa gücü qalmayacaq, çünki daxilində yalnız sönmüş hisslər olacaq. Bəziləri deyə bilər: “O hər bir xırda şeyə görə narahat olur! İndi hər dəfə onunla oturub söhbət etməliyəm??”. Unutmayın ki, biz hamımız fərqliyik və həssaslıq səviyyələrimiz də müxtəlifdir. Sizin üçün xırda görünən məsələ, başqası üçün dözülməz ola bilər. Xüsusilə də təkbaşına bunları yaşamaq daha da ağır və çətin gələr. Qadının tənhalığı isə evlilikdə, onun problemlərini əhəmiyyətsiz sayan həyat yoldaşının olduğu yerdə daha da artır.. Bütün cütlüklərə bir-birinə daha həssas yanaşmağını arzu edirəm. Hər birimizin yanında ürəyimizi açıb ən dərin sirlərimizi bölüşə biləcəyimiz bir insan olsun. ♥️ #münasibət #sevgi #lalahasansoy #keşfet #kəşfet #keşfetteyizzz #baki #azərbaycan #qadın

Lala Hasansoy | Qadın Mentoru

Open In TikTok:

Region: AZ

Monday 27 January 2025 15:23:33 GMT