@mediator.dinara: Қанша жерден білім беріп, бүкіл условияны жасасаңда👇 1. Бәлеқор шәкірттер. Алатынын алып, оқитынын оқып алып, возврат жасаудың жолдарын іздейді 2. Өзін жоғары ұстағысы келіп, басқаның білімін, опытын құнсыздындырады. Шәкірт ретінде емес, сені сынау үшін алады. 3. "Мен онсыз да бәрін білемін" дейтіндер. Курсқа жазылып, бәрін тыңдап, бірақ "мен бұны бұрыннан білетін едім" деп маңызды нәрселерді елемейді. Нәтиже шықпағанда, кінәні өзінен емес, менің курсымнан іздейді. 4. Үнемі сылтау айтатындар. Тапсырма берсең, "уақытым жоқ", "шаршап жүрмін", "кейін жасаймын" деп шегере береді. Ал нәтиже болмағанда, "курс көмектеспеді" деп шығуы мүмкін. 5. Пассив шәкірттер. Барлығын мұқият тыңдап, бірақ ештеңе жасамайды. Курс біткен соң "маған бұл әдістер көмектеспеді" дейді, бірақ шын мәнінде оларды қолданып та көрмеген. 6. Жасырын эксперттер. Курсқа тіркеліп, оқып жүріп, өз білгенін ғана дұрыс санап, "мен басқа жерде бұны басқаша үйренгем" деп пікір таластыруға тырысады. Бірақ шын мәнінде өз ісінде нәтиже көрсетпеген. 7. "Бәрін бірден беріңіздерші" дейтіндер. Бірінші сабақтан-ақ "соңғы модульге өте берейінші" деп, қысқа жол іздейтіндер. Бірақ ең маңызды негіздерін үйренбей, соңында барлығын шатастырып алады. 8. Көңіл-күймен оқитындар. Көңіл-күйі жақсы болса, бір-екі сабақ тыңдап қояды, ал мотивациясы түскен күні "менікі емес екен" деп тастап кетеді. 9. "Мені мотивациялаңызшы" дейтіндер. Әр тапсырманың артынан "маған мотивация жетіспейді" деп, жауапкершілікті мұғалімге артады. Бірақ нағыз мотивация – нәтиже екенін түсінбейді. 10. "Магия күткендер". Бір-екі сабақ көріп, ештеңе істемей-ақ жетістікке жетемін деп ойлайтындар. Оларға курс емес, сиқырлы таяқша керек. 11. "Мен ерекшемін, басқасы" дейтіндер. Басқалар істей алса да, өзіне келгенде "маған бұл әдіс жүрмейді" деп, әр нәрсеге сылтау табады. 12. "Ұнамаса, бәрін қаралаймын" дейтіндер. Сабақты соңына дейін тыңдамай, толық түсінбей жатып, "бұл курс түкке тұрғысыз" деп жамандайтындар. 13. "Жарты жолда тастап кететіндер". Қызығып бастайды, бірақ ортасына келгенде басқа нәрсеге көңілі ауып, тастап кетеді. Сосын нәтиже жоқ деп ренжиді. 14. Күнде сұрақ қойып, бірақ жауапты орындамайтындар. "Мынаны қалай істеймін?" деп сұрайды, нақты жауап алса да, соны орындамайды. 15. Материалды жинап, бірақ қолданбайтындар. Барлық презентацияны, файлдарды, видео сабақтарды сақтап алады, бірақ ешқашан ашып қарамайды. 16. "Маған жеңілдік жасап беріңіз" деп сұрап, бірақ түк істемейтіндер. Ақшасын үнемдеуге тырысады, бірақ курстан нәтиже шығару үшін жұмыс істемейді. 17. "Курсты қайта сатып алайыншы" дейтіндер. Алдыңғы курсты толық оқымай, нәтиже шығармаса да, жаңа курс шықса, тағы алғысы келетіндер. Бірақ бәрібір нәтиже жоқ. 18. Бірден эксперт болғысы келетіндер. Курсты кеше бастаған, бірақ бүгіннен бастап басқаларға үйреткісі келеді. Өзі әлі түсінбесе де, үйретуге асығады. 19. Тек сертификат үшін келетіндер. Оқып, үйренуге емес, "маған сертификат қашан келеді?" деп, тек қағаз үшін жүргендер. 20. "Мен сізден көп нәрсе күткем" дейтіндер. Барлық материалды тегін берсең де, сұрақтарына жауап берсең де, бәрібір көңілі толмайтындар.

Медиатор Динара

Open In TikTok:

Region: KZ

Saturday 01 February 2025 07:34:16 GMT