@bashir.abugmail: وانا بتصفح قابلني بوست لطيف جداً محتواهو هذا المساء ! وقد كان.!❤️ "مُنذُ أن عِرفتك وأنا أُضيء بك❤.." _لمن يتأخر في الشغل ، او يكون كم يوم مضغوط ومانلقي وقت كافي لي بعض ، بغض النظر عن انو قاعد في بلد سمحه وفيها كل الحاجات الممكن يعملها ويطلع وينبسط ، بس حقيقي بكون متأكد انو مافي شي عندو طعم بدوني.!) وكيف ما حنتونس ونعلق مع بعض وامشي براي كيف يعني ! بتمنى متين يرجع من الشغل اصلا عشان نتكلم في تفاصيل اليوم او حتي نحكي قصص قديمه بس م نفضل ساكتين.!❤️ فكرة وجودو جنبي بتطمني ..!❤️ =فكرة وجود زول جنبك بيعني اهم من الدنيا وكنوزها .." ______________________________" عاينت ليهو بحُب وقلت : عُمري ما كنت أتخيل إني أعيش قصة حُب بالشكل دا عُمري ما كنت أتخيل إني حأحب بالطريقه دي، أنا ما بقيت عارفة أتخيل حياتي من غيرك ولا قادرة أتذكر حياتي قبلك كانت عاملة كيف، بحس معاك بالأمان . يومي ببدأ بيك وبنتهي كمان بوجودك في بالي .. بحب أعاين ليك، بحب ضحكتك وكُل تفاصيلك .! "أرجوك ما عايزة الشعور دا يضيع منّي .🌏♥️ #رسائلي_الى_أسمري "المهم الله ما يويني يوم في الدنيا بدونك وبدون قربك وحنيتك ❤️" بعد خلصتا قرايه كتبتا ليها كومنت .. ما تعشمي شديد ولا تحبي بكل طاقتك .. قيمي نفسك واحترميها ههههه قبل ما يقول ليك هو كده .. لأنو ح يكون شايف وجعتك على خسارتو قلة قيمه وقلة احترام منك عشان ببساطه عمرو م حباك بحق وحقيقي وللأسف دا كلووو كان وهم عشان كده دائماً خلي عندك مساحة امان خاصه بيك .. ختي حساب للخذلان ولو بنسبة ١% ايوا انتي بتكوني شايفه كلامي دا مستحيل بس صدقيني ح تتوجعي شديد لو م ختيتي الهوان في حساباتك .. ما تخلي الحب يعميك ابداً ..ما تدخلي العلاقة بصدر واااسع وثقه كامله عشان لو جا يوم لا قدر الله وهونتي ما تتعبي أكتر من اللازم لأنو ببساطه ح يكون ما بستحق تزعلي عليهو كسر من الثانيه ولا بستاهل دمعه من عينك.. والحاجه دي ح تفهميها بعد وقت طويل جداً وانتي داخله في صراع مع نفسك انو كيف تقدري تتخطيهو قبل ما اعمل send للكومنت .. بيني وبين نفسي ما كنت حابه اني اعكر ليها مزاجا بكلام هي م ح تشوفو زي م انا شايفاهو ولا ح تفهمو مالم تكون بالجد هانت وعاشت الوجعه بنفسها ف سبحان مغير مقامات الناس في القلوب ..عاينتا لقيتا عامله الكومنت التحت دا 👇🏻 وانتبهت انو البوست مكتوب في السنه الفاتت والكومنت كان اليوم ف بسأل ربنا انو يجبر بخاطر كل واحده وواحد كانو متعشمين في الطرف التاني اكتر من اللازم واتخذلو من غير حول منهم ولا قوه ربنا يعوضهم بالأخير والابرك بإذنه تعالى 🤲🏻 واخيراً الوجع دائماً وابداً بجي على قدر العشم ..! و كل الجروح بتروح الا في الروح دي التكاليف..🦋 #على_هامش_الخذلان_في_الاتجاه_المعاكس♥️🦋 أحبُّ الاستماعَ إلى قصص الرِّجال وهم يُحاولون الوصول إلى نسائهم سمعتُ أنَّ منهُم مَن قطعَ مسافاتٍ بـ السّاعات ورُبما بـ الأيّام ليَرى مَن يُحبها ، ومازلتُ استمعُ لـ مُحاولاتهم وسعيِهم في إرضاء نسائهم حتّى بعدَ حصولهم عليهنّ ..! حتّى اقتنعتُ تمامًا أنِّ ." المُحبَّ يصِل " وأنَّ الجميع يستحق ‎مَن يُحاول مِن أجله.♥️🦋 وكل يومٍ يترسخ لديّ أن"الحُب للشجعان". أن تبقى ساكنًا في مكانك سيضمنُ لك ألا تؤذى، وألا تنالَ الوصلَ أيضًا. المُحب الحقيقي يحاولُ وإن كان كل شيءٍ حوله يدفعُه للإتجاه الآخر يحاولُ وإن كانت فرصتُه الوحيدةُ للنجاةِ ألا يحاولَ والمُحاولاتُ لا تقعُ سُدىً ..والمُحِب يصِلُ..♥️🦋

بشير ابوجمال(جبر الخواطر)

Open In TikTok:

Region: SD

Saturday 01 February 2025 08:36:10 GMT