@bekilemma: በረከት ለማ እባላለሁ። ገና የ 8ተኛ ክፍል ተማሪ እያለሁ በትምህርት ቤታችን የሚዲያ ክበብ ስብሰባ ላይ ተሳታፊ ነበርኩና በዚያን ጊዜ ባዮሎጂ መምህራችን መምህር ሰለሞን "ወደፊት ምን መሆን ትፈልጋላችሁ?" እያለ ሁሉንም ተማሪ መጠየቅ ጀመረና ሁሉም ተማሪ እንደየፍላጎቱ ብቻ ሳይሆን እንደየ ትምህርት አቀባበሉ መሆን የሚፈልጉትን ተናገሩና ተራው እኔ ጋር ደርሶ ተጠየኩኝ። ያው ሰነፍና አስቸጋሪ ተማሪ በመሆኔ ምን እንደምል ለመስማት የሰው ሁሉ ዓይን ወደ እኔ አፈጠጠ ከዚያን መምህር ሰለሞን "በረከት ወደፊት ምን ምትሆን ይመስልሃል?" አለኝ እኔም ቆምኩኝና ኮስተር ብዬ "ማጅራት መቺ!" አልኩት። ተማሪ ሁሉ ሳቀብኝ እኔ ግን ለቀልድ ሳይሆን የምሬን እየተናገርኩ ነበር ከዚያን መምህራችን ቀጠለና ፈገግ ብሎ ታዲያ ለምን ትማራለህ? አለኝ እኔም "ቢያንስ ማጅራት የት እንደሆነ ማወቅ አለብኛ" ብዬ የልቤን ባወራ ክፍሉ በሳቅ ተረበሸ። ወዳጆቼ ገና በልጅነቴ ለክፉ የተሰጠው በፍጹም ተስፋ የማይታየኝ ገና በልጅነት አመፅ ልቤን ያሳወረው ብላቴና ነበርኩኝ ነገር ግን ጌታ ኢየሱስ ራራልኝና ጠልቄ ሳልጠፋበት የህይወትን መንገድ አሳየኝ። ቀድሞ ኢየሱስ ሳያገኘኝ በፊት ተስፋ አልነበረኝም ፣ አመጸኛም ነበርኩ ፣ ደህንነትም አይሰማኝም ነበር ነገር ግን የናዝሬቱ ኢየሱስ የበራልኝ ቀን እንደ አዲስ ተወለድኩ ፣ ምንም እንኳን ባለማወቄ ባልወደውም ከዘላለም አውቆኝ ሳይሰስት ወደደኝና የዘላለም ህይወትን በነፃ አገኘው። ኢየሱስ ክርስቶስ የእግዚአብሔር ልጅ እንደሆነ ስለ እኔ በደልና መተላለፍ ከሰማያት ወርዶ ሰው እንደሆነ ፣ እንደተሰቀለና እንደሞተ ፣ በ 3ተኛውም ቀን ከሙታን እንደተነሳና እንዳረገ ደግሞም ተመልሶ እንደሚመጣና እንደሚወስደኝ በማመኔ ነፍሴ አረፈች። ኢየሱስ ብቸኛ የመዳኛ መንገድ እንደሆነና ነፍስን እንደሚያሳርፍ እኔም ምስክር ነኝ። አሁን በዓለማችን ላይ ከፍተኛ የሆነውንና የሚያኮራውን ስራ በትህትና እሰራለሁ ይህም የእግዚአብሔር መንግስት ነው። #እኔም_ምስክር_ነኝ #ያ_መሲሕ #በረከት_ለማ @Meskerem Getu