@tarigjibreel: نعالج القبح بالجمال… ـــــــــــــــــــــــــــــــــــــــــــــــــــ الطيف ـــــــــــــــــــــــــــــــــــــــــــــــــــ كلمات: محمد سعيد دفع الله محمد كرم الله ـــــــــــــــــــــــــــــــــــــــــــــــــــ أما النوم أبا وجافاني وأصبح داجّي ساهر حتى الطيف رحل خلّاني ما طيّبلي خاتر قليل يا طيف أقيف ارجاني وين فايتني عابر؟ شِن حارس وراك أنا تاني؟ ياني معاك مسافر لا تقول لي كدي استناني بمشي وأجيكا باكر يبقى أنا ما ألِم فيك تاني مين عارف المصاير؟ هاك اسمع رنين ألحاني وأبقى معايا سامر خفف لي قليل أحزاني ياما أنا عشت صابر شوف كيفن يسوي زماني ديمة عليا جاير آه مر العذاب ورّاني سهمو الفي قلبي غاير شوف الليلة كيف بستاني دا الكان باشّي ناضر من حر السموم بيعاني طيرو يفر يهاجر جفّ يبس صبح صنّاني لافِح حرو كافر عدمان الضّليل سوّاني مجنون قالوا شاعر كل ما تمُر تعدّي ثواني مِنّو اسراب تغادر رحل الفيهو صِر وحداني نازل ومرة سادر ما عارف العليا تراني فوق كرعيّا ساير واسكت اسوِّي في أوزاني اشعار مالا آخر أحوم أرجع أصُد في بكاني مقطوع راسي حاير وين أحبابي وين خلّاني آه يا الله قادر وإتْ ياطيف عليك أحزاني ليّا شوية كابِر عشان خاطر قليبي عشاني لحظات بس تخاطر ……. إنا لله ياخ #sudan #sudanese_songs #fyp

tarigjibreel

Open In TikTok:

Region: MA

Tuesday 04 February 2025 10:40:26 GMT