BALANTII BEENOWDAY – QALBI JAB JACAYL Jacaylku waa shay la mahadiyo marka uu dhab yahay, balse wuxuu isu rogaa halis marka uu been iyo khiyaano dhex maquurto. Anigu waxaan jeclaa si daacad ah, qalbi saafi ahna waan u huray naf aan u qalmayn. Waxaan aamminay ballan iyo ballanqaad, balse waxaas oo dhan waxay noqdeen raad aan jirin, hadallo cirka lagu qoray oo aan dhulka gaadhin.😭💔😭💔😭 Habeen iyo maalin, qalbigayga adaa dhex joogay, dareenkayguna adiga ayuu kuu xiisayay. Waxaan u qabay rajo badan, waxaan sugaayay maalin aan wadajirkeena ku farxi doono. Laakiin riyadaydii waxay isu rogtay riyo-been, jacaylkii aan u hibeeyayna wuxuu noqday mid la khiyaamay.💔😭💔😭💔 Waxaan xasuustaa maalintii ugu horraysay ee aad ii sheegtay in aad i jeceshahay. Hadalladaada macaan iyo dhoolla-caddeyntaada ayaa qalbigayga ka dhigay xabsi jacayl. Waxaan dareemay nolol cusub, waxaan mooday in adduunyadu iftiin cusub yeelatay. Laakiin nasiibdarro, hadalkaas macaan ma noqon mid joogto ah. Ballantii aad ii qaaday waxay noqotay mid la dayacay, jacaylkii aan kuu hurayna wuxuu noqday mid la khasaaray.💔😭💔😭 Mar kasta oo aan dib u milicsado sheekooyinkii aan wadaagnay, waxaan dareemaa xanuun qalbiga taabtay. Ma ahayn in aad sidaan ii dayacdo, ma ahayn in aad qalbigayga dhaawacdo. Haddii aad i jeceshay sidii aad ii sheegtay, maxaad iigu sababi weyday xanuunkan? Maxaad u dooratay inaad iga tagto adigoo aan xitaa dib iiga fiirsan?💔💔💔💔 Habeenkii aan ogaaday xaqiiqda, qalbigayga wuxuu dareemay murugo aan la qiyaasi karin. Indhahayga ilmayaa baxay, erayona afkayga kama soo bixin. Ma aan rumaysan karin in qofkii aan la jeclaa uu noqdo qof aan daacad ii ahayn. Waan is weydiiyay sababta ay jacaylku sidaan iigu noqday, balse jawaab ma helin.💔💔💔😭😭 Ma garanayo in aad waligaa xasuusan doonto qofkii aad dhaawacday, balse anigu waan xasuusan doonaa. Waan ka bogsan doonaa, laakiin raadkayga wuu kugu harayaa. Maalin uun waxaad garan doontaa qiimahayga, balse waxaa laga yaabaa in markaas aan anigu durba bogsaday. Jacaylkii aan kuu qaaday wuxuu iga bartay casharro badan. Wuxuu i baray in jacayl aan daacadnimo lahayn uusan socon karin. Wuxuu i baray in aanan qof kale naftayda u dhimin haddii aanan hubin in uu i qalmo. Wuxuu i baray in ballan la jabiyo aysan ahayn wax cusub, balse ay tahay dabeecad dad badan la qabsadeen. Hadda waad iga tagtay, qalbigayguna wali wuu dhaawacan yahay, balse waqti baa bogsiin doona. Maalin uun, markaan dib u dhiso dareenkayga, waxaan ogaan doonaa in lumintaadu aysan aheyn khasaare, balse ay ahayd guul. Waxaan heli doonaa jacayl dhab ah, qof i qadariya, qof aanay balantiisu noqon mid been ah. Balantii Beenowday, Jacaylkii Waa Jabtay, Balse Qalbigaygu Wuu Bogsan Doonaa!💔💔😭💔😭💔 - @sackow3