‏القصيد اللي يسمونه قصيد الله يديمه ‏كن فيه الشاعريه من يدورها وجدها ‏ㅤ ‏ودي اعطيكم قصيده تعطي الموضوع قيمه ‏للي يقولون اسلم وللي يقولون عدها ‏ㅤ ‏فاقدن لي تحفتن نسيانها ذنب وظليمه ‏الوطن هذا وطنها والبلد هذا بلدها ‏الشموخ اللي محبتها ولو غابت مقيمه ‏بين وبينها مقادير الزمن تبذل جهدها ‏ㅤ ‏هي عظيمه بس والله مادريت انها عظيمه ‏لين قالو مايعرف الحاجه الا من فقدها ‏ㅤㅤ ‏قمت اشك ان رمشها غيمه وهو ماهو بغيمه ‏وقمت اشك ان الهوى وهو الهوى يوجع جسدها ‏وقمت اشك ان ريحها ريح المطر ولا نسيمه ‏وقمت اشك انها كذا من يوم كانت في مهدها ‏ㅤㅤ ‏من غلاها اعتبرها مثل الاحجار الكريمه ‏ضعت بين اعظم مفاتنها وتسريحة شعرها ‏ㅤ ‏في بعض الاحيان كنها ترتكب فيني جريمه ‏بالدلع والضحكه وبعض الامور امر وادها ‏ثوبها الي تلبسه ذنبه مثل ذنب النميمه ‏خل عاد ان مال مبريها من الين وجحدها ‏ㅤ ‏بنت رجالٍ مضريها على ذب الخريمه ‏كثر مافيها حيا كن الحيا فيها وحدها ‏ㅤ ‏كل يوم تقول ذا البنت معزومه في عزيمه ‏كل حاجه تلفت الانظار كنها تعتمدها ‏اللتفاتتها غنيمه وابتسامتها غنيمه ‏من اللي باقي من بنات ادم وحوى ماحسدها ‏ㅤ ‏قد وصلت لمرحله فيها الطواري مستديمه ‏اي شاعر لاتغزل قلت يمكنه قصدها ‏ㅤ ‏حبها نارن حياتي فيه ماكله من جحيمه ‏عندها اصابع يدي ماني عارف كم عددها ‏والله ان حبي لها سليم والنيه سليمه ‏من قبل تعرف ابو بنتها وابو ولدها ‏ㅤ ‏اول ايام الهوى كانت علاقتنا حميمه ‏واخر الايام قامت تنتقدني وانتقدها ‏ㅤ ‏رغم كل اللي كتبته فرحتي فيها يتيمه ‏ماهو بمرضيني اللى قلبها من عند يدها ‏في هواها ماكتبت الى غزليه قديمه ‏وحده ويمكن ماعاد اكتب غزليه بعدها #مطرف_بن_شارع #CapCut #505 #explore #fyp #qahtani - @0n3j